「御用癲婆」趙希洛正式宣布離TVB! 感恩台前幕後16年照顧:好快再見大家
發佈時間:11:30 2023-09-09
![「御用癲婆」趙希洛正式宣布離TVB! 感恩台前幕後16年照顧:好快再見大家](https://image.hkhl.hk/f/1024p0/0x0/100/none/72a9028a8ef9b7226ac5bb8494cf035d/2023-09/collage_18.png)
被封TVB「御用癲婆」的40歲趙希洛,近日被發現其藝人資料從TVB官網下架,因而傳出離巢消息。昨晚(8日)她終在社交網撰長文,正式宣布與TVB結束16年賓主關係。
【相關閱讀】:TVB「御用癲婆」趙希洛傳離巢 富二代默默耕耘16年網民戥不值
【點擊睇趙希洛認離巢】:
趙希洛於社交網上載一條在TVB廠外揮手道別的影片,並以中英雙語留言感激一班高層及台前幕後多年來的照顧,以及公司給予她超過10年的美麗回憶、機會、經驗和珍貴友誼:「多謝公司畀咗好多機會我,令我有機會學習同成長。成為一個演員,認識咗好多位好叻嘅演員,同幕後嘅工作。由同事變成好朋友。感激每一位畀過機會趙希洛嘅監製,編劇,編審,導演,副導演。多謝每一位分享過或者,畀過錦囊畀趙希洛嘅同事。所有嘢在心中。要特別多謝每一位支持趙希洛嘅觀眾朋 友。多謝你哋成日畀支持同埋鼓勵我。由細到大都好想成為一個百變發光發亮嘅演員。希望可以好快會再見到大家。而家暫時同大家講聲再見。」並多謝昔日的對手們,一直耐心友善地給予指導和分享經驗,令她的中文及演技有所進步。
網民喊不捨
最後,趙希洛不忘為有份演出的劇集落力宣傳:「仲有,大家記住聽晚一定要睇8點鐘《愛回家之開心速遞》,Thank you.」一眾藝人及網民亦紛紛送上祝福,包括黃智雯、胡定欣、姚子羚、朱晨麗、陳山聰及林淑敏等,可見她在圈中的人緣相當好,惟不少網民都大感不捨:「冇咗無知May(角色名稱)即刻冇晒動力睇《愛回家》」、「終於明白阿May點解要和Ivan分手了,祝福你」、「好不捨得妳呀,你在《愛回家》同大小姐(林淑敏飾)演戲好好睇,我不會忘記你的」、「真心唔捨得,感覺你會去ViuTV拍劇,但人各有志,最緊要隨心而行」等,但趙希洛暫時仍未公布去向。
2007年參加港姐入行的趙希洛,從第22期無綫電視藝員訓練班畢業後,正式成為TVB旗下合約藝員,曾參演《八卦神探》、《華麗轉身》、《超能老豆》及《十八年後的終極告白2.0》等劇集,2019年終憑《金宵大廈》飾演因兒子早夭而憶子成狂的「王敏儀(何太)」首奪「最佳女配角」,惜今年初播出的《隱形戰隊》中戲份極少,猶如由二線角色退回四線角色,因而令網民戥她不值。
【其他文章】:
盤點12位水中揈髮女星!多位港姐側身鬥晒曲線美 黃心穎孖「餅印阿哥」一齊揈
萬眾同心公益金丨陳美齡演繹黃霑經典作品 趙希洛爆《愛回家》感情有暗湧
隱形戰隊丨最佳女配角趙希洛戲份少變堅隱形 網民心疼做番四線角色:完全被忽視
《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ