通靈之王2丨姚安娜母女檔上陣！囡囡18歲無師自通學塔羅 陳懿德出事狂冒冷汗
發佈時間：16:30 2023-11-26
TVB通靈比賽節目《通靈之王》去年播出後廣受好評，今年載譽歸來《通靈之王2》將於明晚（27日）起，逢周一至三晚播出，節目由梁思浩帶領王嘉慧、陳懿德擔任主持。《通靈之王2》和去年一樣，來自不同流派的20組參賽者，將各自拿出看家本領進行比賽，爭奪成為「通靈之王」！今年除了有個人上陣，還會有母女檔和情侶組合出現，包括姚安娜帶住女兒Celeste一同比賽！
【相關閱讀】：中年好聲音2丨47歲姚安娜扮「小丑」心廣體胖 歌手變占卜師台灣回流返港住豪宅
【點擊睇姚安娜帶囡囡參賽】：
姚安娜三代通靈世家
曾主持《閃電傳真機》的姚安娜現時是一位塔羅占卜師，原來她的女兒Celeste在18歲時無師自通學會塔羅牌，而安娜爸爸亦是一名法師，三代人可算是「通靈世家」！其實早前姚安娜曾經參加《中年好聲音2》海選，不過未有入圍，今次轉為參加通靈比賽未知能夠殺出重圍？
明後晚《通靈之王2》將會播出海選賽， 20組參賽者齊集電視城古裝街進行第一個任務，以異能估出現場大型黑幕後的東西。一班參賽者在黑幕前各有各「發功」，有人拿着法器作法、有人拿着塔羅牌預測，甚至有人行行企企呈放棄狀態。另一個任務，參賽者則要講出嘉賓Momo身體哪個地方異於常人。
陳懿德突然身體不適
海選進行時發生小插曲，比賽開始時有參賽者已指現場有靈體，豈料新加盟節目的主持陳懿德拍攝期間突然身體不適，全身狂標冷汗兼頭暈暈，最終要停止拍攝休息，更弔詭的是，收音師指陳懿德不適時收音咪亦出現異常。
陳懿德受訪時重提事件時心有餘悸：「人生未試過咁樣唔舒服，嗰陣Feel到自到自己就嚟暈低，因為當日係第一日工作，唔想拖慢個進度，即刻捉住己就嚟暈低，因為當日係第一日工作，唔想拖慢個進度，即刻捉住Cathy（王嘉慧）諗住頂諗住頂埋落去，但之後真係頂唔順，眼前一片空白，同埋完全聽唔到人講嘢！」陳懿德續指思浩當時仍未知她出事：「因為思浩個位置睇唔到我，係有個參賽者突然話你個主持唔得喇，佢先見到我，好彩工作人員趕得切嚟接住我，如果唔係已經仆咗落地，後來我坐低咗休息一陣都好番好多。」
陳懿德大讚梁思浩
講到加入《通靈之王2》及與思浩合作，陳懿德直言心情又驚又喜：「第一輯其實有Casting，但就無緣參與節目，今次終於有機會同思浩合作，好多人知道我同思浩合作，仲搞笑咁叫我同佢夾份買六合彩！我對靈異嘢都有啲驚，事前都有睇師傅同埋買水晶戴。」陳懿德又很感激思浩教導：「佢係一個好肯教人嘅前輩，佢教我點樣做好主持呢個工作，佢對身邊每個人都好好，同埋對節目嘅要求好高，唔會造假！同埋第一次見到佢時，佢係咁強調自己好惡，但我從來未見過佢惡嘅一面！」
【點擊睇姚安那參加中年好聲音】：
年約47歲的姚安娜曾參加1991年第10屆新秀殺入五強，之後在TVB任《閃電傳真機》主持，直至1997年改名姚琇齡，簽約上華唱片並推出一張唱片，可惜最後因合約問題被雪藏。之後姚安娜轉做塔羅牌專家，中間有拍過亞視經典劇集《我和殭屍有個約會2》，上過《流行經典50年》獻唱。已婚並擁有一子一女的姚安娜，2018年與老公郭智明、大女Celeste及細仔James一家四口移居台中，其後又舉家搬到澳門居住一年，但因姚安娜的老公不不適應當地生活，最終全家於去年年中回流返港定居，並入住九肚山的2,000呎豪宅。
【其他文章】：
獨家丨48歲姚安娜笑談負評：能變老唔係必然 一碟歌手參加《中年2》被踩發福走樣
梁思浩千萬西貢獨立屋被工人姐姐變鬼屋！「發陰財屋」有利靈異發展越撈越掂
細數14藝人撞邪事件！女星遭落降頭吐刀片鐵釘超驚慄 關寶慧因拖鞋惹禍上身
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
