獨家丨湯鎮宗首開腔激讚新女婿：畀90分 欣賞馬國明照顧家人無微不至
更新時間：08:00 2024-01-04 HKT
發佈時間：08:00 2024-01-04 HKT
發佈時間：08:00 2024-01-04 HKT
字體大小
49歲馬國明與36歲湯洛雯（靚湯）於本月13日在泰國蘇梅島結婚，婚禮上靚湯蹺住67歲爸爸湯鎮宗手臂進場，溫馨又浪漫。出名孝順的馬國明在社交網貼出跟長輩的合照，多謝雙親及外父、外母，相當乖仔。問到湯鎮宗對女婿有何評價?呢位新任外父首開腔談馬國明，大讚半邊仔照顧家人無微不至，畀佢90分咁話。採訪：方騫平
婚禮上靚湯蹺住67歲爸爸湯鎮宗的手。
湯鎮宗好滿意半邊仔馬國明。
馬明好錫老婆仔。
感情路上經歷唔少創傷的馬國明，與湯洛雯拍拖3年修成正果，除獲全城祝福外，婚禮上雙方家長笑得非常燦爛，馬國明外父湯鎮宗讚女兒婚禮籌備得很成功，所以賓客都很投入，埸面感人。
湯鎮宗好滿意女兒的婚禮安排。
祝願囡囡一世幸福
讚完婚禮，湯鎮宗再向《頭條日報》大讚好女婿馬國明：「見微知著，比佢90分，其餘10分雯雯畀啦。」更坦言非常放心將女兒交給他：「馬明喺TVB咁多年，相信好多觀眾、朋友和同行比我更了解佢，而佢對待朋友，照顧家人，孝敬父母喺呢場婚禮中，我都觀察到，佢對朋友嗰份感情，照顧家人嘅無微不至，尤其係對父母嘅關懷，讓我深信佢會同樣對待我女兒，所以放心將女兒交付畀佢。」湯鎮宗更祝女兒及女婿甜甜蜜蜜，幸福一輩子。
馬國明在社交網貼相，多謝雙親及外父外母。
湯鎮宗放心將愛女交予馬明照顧。
另外，不少網民唔知湯洛雯的爸爸就是湯鎮宗，竟發文：「馬國明、湯洛雯婚禮，看到了老戲骨湯鎮宗！」成為婚禮笑話。講多次嘞，湯洛雯來自演藝世家，爸爸是演員湯鎮宗，出身自TVB第8期藝訓班，電視劇有《前世冤家》、《諸葛亮》及電影《殺出西營盤》。至於貴為80年代TVB男神的叔叔湯鎮業，更是「無綫五虎將」之一。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最Hit
