AK江𤒹生50度沙漠中拍MV熱到想死邀兒時跳舞偶像為新歌排舞圓夢

更新時間：16:45 2024-02-27
發佈時間：16:45 2024-02-27

去年AK特地走到美國拍了〈Blue Monkey〉的MV，但其實那次他還拍了新歌〈Guilt Machine〉的MV。〈Guilt Machine〉由Gareth. T作曲，旋律已甚具挑戰性，而在美國拍攝MV的過程中，AK也有另一樣的挑戰，就是要在接近50度高溫下於沙漠跳舞，如此酷熱天氣下，AK也不禁大喊受不了。

AK開心跟一班兄弟完成兩個MV，更邊拍邊學習。

在沙漠拍攝，令AK畢生難忘。

〈Guilt Machine〉由Gareth. T作曲，旋律甚具挑戰性。

到美國拍攝，一直是AK夢寐以求的事情。

AK一直都有留意Gareth. T的作品，也十分喜歡對方的作品，AK道；「Gareth做嘅快歌或者有Beat嘅歌都好正，今次想做一首跳舞歌，就搵佢合作。」結果Gareth. T交出了一首十分具挑戰性的旋律，AK都要改變自己的唱法去融入歌曲之中。「今次〈Guilt Machine〉唱法同以往好唔同，因為當中有好多細微嘅位，例如好多半音上落，係有少少挑戰，另外中間有段類似Rap嘅東西，旋律有少少快，咬字要咬得好實，我同徐浩用咗多少少時間去錄呢部份。」〈Guilt Machine〉歌詞裡面提到，當知道對方情緒勒索，就會穿起盔甲反抗，AK向來是性情中人，但他可算是一個受軟唔受硬的人呢？AK剖白道：「細個係嘅，好多嘢係你點對我我點對你；大個睇嘅嘢唔同咗、宏觀咗，會對事唔對人，會睇返嗰件事嘅最終目的地係邊一度。」

AK很開心可以找來兒時偶像美國排舞師Lando Wilkins為〈Guilt Machine〉排舞。

AK說未試過咁熱地方下跳舞，笑言有種想死嘅感覺。

AK說美國有很多靚景，可惜一來價錢問題，二來路程太遠，未能全部拍攝。

MV裡面有隻獅子入鏡，AK說如果在香港拍就好難實行到。

到美國拍攝，一直是AK夢寐以求的事情，他道：「自己好想喺美國拍MV，所以上年實行咗一個計劃，喺當地拍攝〈Blue Monkey〉同〈Guilt Machine〉。喺美國試到好多喺香港試唔到嘅嘢，例如今次〈Guilt Machine〉MV裡面有隻獅子入鏡，喺香港好難實行到，喺美國就試咗呢個咁瘋癲嘅Idea。」另外還有在沙漠拍攝，也令AK畢生難忘，因為熱到想死！極易出汗的AK回想起也不禁道：「現場差不多50度，體感係好誇張，我未試過咁熱，喺咁熱地方下跳舞，係有種想死嘅感覺。」不過這次美國之行，讓AK可以跟一班兄弟完成兩個MV，更邊拍邊學習，是開心好玩多於一切。他續道：「喺美國拍攝MV，真係學咗好多嘢，包括同當地工作人員溝通、搵景等等。嗰邊啲景好靚，睇咗好多都好靚，但未用到，一來價錢問題，二來路程問題，太遠，但每一個景都好靚，希望日後有機會可以再去美國拍過。另外最難忘同成班兄弟一手一腳搞咗呢兩個MV，過程辛苦但好難忘。」

AK說今次〈Guilt Machine〉的唱法同以往好唔同。

為了今次MV，AK跟身邊的兄弟都花了很多心機。

每拍完一個鏡頭，AK都認真看playback，看看有什麼地方需要改善。

另一難忘的事情，就是找來兒時偶像美國排舞師Lando Wilkins為〈Guilt Machine〉排舞，AK自爆：「 Lando老師係我細細個嘅跳舞偶像，有幸10年前上過佢嘅堂，出道後有機會由公司俾資源去搵一個外國老師排舞就諗起佢，就膽粗粗聯絡佢，慶幸老師願意接受我嘅邀請一齊完成〈Guilt Machine〉。美國喺跳舞上有好多嘢好有系統，而且好多新諗法，喺香港未見過，感覺好似又上咗一堂好寶貴嘅跳舞堂，獲益良多。」