旺角隱世老牌車仔麵檔！開業逾40年港男路過不解「冇菜單冇價錢」網民：後生仔女連點叫都未必知

更新時間：13:00 2025-02-20 HKT
發佈時間：13:00 2025-02-20 HKT

車仔麵是香港街頭的常見食物，點餐時一般都是填紙仔挑選心水餸料及麵食、湯底等，不過有部分傳統車仔麵檔依然堅守傳統做法，店中不設菜單及價錢，令部分顧客尤其是年輕一輩看見即手足無措，不知如何點餐。近日有港男在社交平台出帖，稱路過旺角一家橋底車仔麵檔，因店家「冇一個中文字，冇菜單，冇價錢，冇招牌」，笑指是「謎之車仔麵」，更惹來網民熱議，有人笑稱樓主有眼不識泰山，「你新嚟㗎？開咗四十幾年明記都唔識？」

港男旺角發現「謎之車仔麵」港男路過不解「冇菜單冇價錢」

近日有港男在專門分享車仔麵資訊的社交平台群組「香港車仔麵關注組」發帖，稱在旺角Moko橋底發現了一家「迷（謎）之車仔麵」，他形容「成間店冇一個中文字，冇菜單，冇價錢，冇招牌。」不過卻有很多人幫襯，又指店家開放時間不定，「老闆鍾意開就開，唔開就唔開」，反問一眾網民曾否光顧。

旺角40年老字號車仔麵網民推介必吃一美食

帖子一出惹來不少網民熱議，有人指這家店是旺角的傳統老字號，開店多年，「開咗四十幾年明記都唔識？」、「食左三十幾年都唔厭。」有人稱這家店是「食七八十年代正宗推車仔味道」，卻未必適合一般年輕人的口味，「後生仔女未必識欣賞，連點叫都未必知點叫。」也有人稱光顧這家店子，食物並非重點，「食呢間既係回憶，食過正宗街邊流動小販車既車仔麵既人先識欣賞。」

事實上，這家位於旺角花園街的明記麵食，開業數十年，以出售港式傳統車仔麵見稱，曾惹來不少食客以至網紅食家慕名光顧，店中食物雖簡單，卻有幾款必吃之選，深得食客喜愛，如豬紅、水魷、蘿蔔等。點餐方式亦有一套規矩，據食客分享，入店時先揀麵底，店家煮好後會將麵拿到旁邊讓食客選擇配餸，揀完之後就可以結帳，並將麵拿到堂食位置享用。

文：Aiko　圖：香港車仔麵關注組、YouTube截圖