倫永亮演出後狂食肥5磅 8月為葉麗儀個唱任音樂總監 陳美齡提孫女冧爆唔急再抱孫
發佈時間：14:00 2024-06-19
倫永亮、陳美齡及霍啟剛與太太郭晶晶昨晚（18日）到尖沙咀出席港樂50周年晚宴，本來也會出席的陳潔靈因患上COVID而缺席。早前開騷的倫永亮受訪時笑言完成演出後休息，結果因狂食而肥了5磅，又透露稍後將會為葉麗儀在8月舉行的55周年紀念演唱會擔任音樂總監。提到葉麗儀，倫永亮笑言小時候也曾追星：「大約讀中三時，佢錄音室喺我屋企附近，知佢會喺錄音期間去附近士多買嘢食，所以我有去士多等佢，佢嗰時仲會着短裙。」他指入行後也有向葉麗儀講起這件事，而對方就笑到痴線，倫永亮又大讚葉麗儀是香港首屈一指的女歌手，能與她合作感榮幸。至於問到林憶蓮近況，倫永亮表示只知道憶蓮身在英國仍在休假狀態，又指憶蓮的女兒也在當地，問他與憶蓮會否再合作，他說：「知道佢有喺網上發布單曲，合作就遲啲啦，有機會嘅。」
陳美齡透露下年2月底將與港樂合作舉行兩場演唱會，所以心情很緊張也感到好榮幸，她指正構思演唱會主題是講述關於世界的小朋友的故事，因為自己曾探訪20多個國家的小朋友，希望大家有好的音樂之餘也會覺得感動。近來經常返港的陳美齡又指很開心，因為可常照顧已99歲的媽媽，雖然媽媽現時行動不便，但身體不錯也很健康：「而家啲仔大個唔困身，所以一有機會就坐飛機返嚟。（陳媽媽有乜方法咁長壽？）食靈芝。」陳美齡透露大仔現時在美國，已結婚及生了一個女兒，提起孫女，陳美齡冧爆指孫女很錫自己，常常會叫爸爸打視像電話給她：「佢只係得歲幾，成日指住張相話打電話俾嫲嫲，又話要坐飛機見嫲嫲，真係好得意。（叫阿仔再生！）咁又唔得，唔係佢生，係新抱生，佢生我就話易迫。（叫其餘兩個仔努力。）都未有對象，不過我都唔急，等後生仔決定。」
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊 https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
