拉闊音樂會2024丨 Edan聞Frankie事件：畀時間佢處理 孖Jeffrey齊跳《今期流行》掀高潮 Marf Jace台上鬥舞鬥性感
發佈時間：19:08 2024-06-23
由呂爵安（Edan）、魏浚笙（Jeffery）、陳凱詠（Jace）、邱彥筒（Marf）演出的拉闊音樂會昨晚（22日）於亞博舉行，Edan妹妹小如豬也有前來捧場。4人甫開場即又跳又唱，而一向不擅長跳舞的Jeffery就不時露出天然呆樣，之後換上西裝的他真空晒勁白心口，引來全場大叫，之後有人叫他除衫，Jeffery就笑言「冇腹肌」，不過獨唱《傢俬》時就走音，搞到他也擰頭。至於Edan也不甘示弱，穿上透視西裝跳唱新歌《月光奏鳴曲》，期間也不時露點。
Jace、Marf隨後一起現身鬥舞鬥性感，Marf唱《TXT or Call》時，Jeffery於尾段現身與Marf一起跳，但仍跳得生硬到像機械人一樣，非常可愛。雖然Edan與Jeffery其後也一起鬥舞，不過跳《唱這歌》時，兩人在擺出招牌金雞獨立甫士卻企唔穩，之後跳《今期流行》及《眼睛想旅行》時舞步亦相當搞笑。Edan其後指Jeffery第一次上那麼大的舞台一點也不簡單，雖然排練的時間緊迫，但就好滿意成果，Jeffrey講感受時一度哽咽，他表示真心多謝每一位，因自己沒想過上這舞台，Marf則指這組合好有趣，敢說敢為，有意見也願意溝通，而Jace則表示表演時間太短，覺得唔夠喉。之後Edan笑言音樂會用青春做主題，但同時他亦用手將30歲的Jace間開，不過他後來就補鑊表示青春並不只是年齡，而是心態，相信自己50歲仲好青春。
完騷後4人一起受訪，Jace指今次真的不夠喉，下次希望4人能再玩得更多，而此時Marf突然為Jace整理臉上的粉，被Edan大讚「So Sweet」，問他是否也想參與？他即表示「唔想」，問到是否想跟Jeffrey鬥舞，三人異口同聲的表示Jeffery贏晒，並指他跳舞「太好睇」，Edan也大讚Jeffery事前也很勤力練舞：「尤其Jeffrey好大挑戰，因為咁短嘅時間做一個咁完整嘅表演，佢跳舞唔在行，去巴黎嗰陣時都繼續練習。」至於Jeffery則指對演出感滿意，問他剛才是否覺得很感動？他就笑言自己剛剛有痰：「其實真係好感動，真係唔簡單，但盡咗力。」Edan則指Jeffery第一次上這麼大的舞台其實好難，更笑言自己第一次也驚到傻，問到Marf男友Locker是否也有來捧場，她就大方承認，並指男友與朋友及自己的媽媽和契爺契媽也有來看，更笑言是「聚首一堂」，問到男友是否首次見家長？她說：「唔係第一次見。」提到Edan在台上寸Jace年紀大，Edan稱只是搞笑，但Jace則謂：「希望你專重長輩！」而Edan就指對方是大家姐，自己不敢恰她。對於Jeffery則在巴黎遇上孔劉，他坦言因今次演出大壓力，所以腦內只記着舞步，完騷也回酒店繼續練，他又指經過今次後發現跳唱很難，表演時也心慌。
另外，提到MIRROR成員Frankie的感情上好像有很多瓜葛？Edan聽後即說：「唉，人哋呢啲事唔知情，外人唔會清楚好多，所以都俾唔到咩資訊大家，畀啲空間佢哋慢慢處理。」對於有新證據指Frankie跟舊女友拍拖時已搭上現時女友Christy，Edan即驚訝地問「係咩？」不過他指自己沒細看是否這樣，也認為自己不知情，不方便代Frankie答任何問題：「我又唔係佢最親密嘅人，我唔方便回應，俾啲時間佢慢慢處理。（擔心今次件事令Frankie 同AK感尷尬？）我又唔擔心，因為佢哋係好朋友，我覺得應該唔會，唔會！我覺得！」
