李彩華大讚方力申保護學生 聞劉俊謙靚仔：好多朋友狂Send相俾我
更新時間：14:45 2024-07-16
發佈時間：14:45 2024-07-16
發佈時間：14:45 2024-07-16
字體大小
李彩華今日（16日）到大埔出席活動，她表示昨日才返港，又謂現時不時會到不同地方工作，在港大多是「路過」，8月頭她將會到佛山開騷，她指最近練歌，自己到時也會玩樂器。
李彩華指現在一直做直播帶貨，她指自己帶貨的產品價錢比較高，當中有美妝、香水，甚至連結他都有，並透露之前在淘寶首場有500萬銷售額，第二場更過千萬，問到是否豬籠入水？她說：「都要同佢哋分，不過成績好，有數都開心，我最初都驚嗰啲好似好急嘅，接受唔到咁快速度嗰種帶貨。」提到她在活動上指運動員方面表示有留意方力申，問到是否知道對方早前炮轟香港游泳總會制度不公，李彩華就表示不知道，但她直認如運動員有資格但沒機會參賽會很傷心，更笑言若有校長會這樣保護自己，會開心到咀他幾啖。
靚仔應該要見到
另外，問到她是否有看近期熱爆電影《九龍城寨之圍城》，李彩華表示沒有，但有聽聞劉俊謙很靚仔：「好多朋友狂send俾我，我細佬老婆都係，我都覺得佢（劉俊謙）係OK，我後來先知佢係《梅艷芳》入面做哥哥，佢唔同造型都會帶俾大家唔同驚喜。（淨係見到佢？）見到佢就得啦，靚仔就應該要見到。」
