林家棟林海峰首度合作聲演廣播劇 演繹男人情誼的遺憾 林家謙呂爵安做少年版入戲靠肢體碰撞
發佈時間：20:15 2024-07-29
商業電台為慶祝開台65周年，下周一（8月5日）隆重推出台慶廣播劇《微涼之夏》，特別邀得影帝林家棟首度獻聲，夥拍林海峰分別飾演劇中主角「楊雲峯」及「宣子晴」，並由林家謙及呂爵安分別聲演二人之少年版。此外，廣播劇還匯集了多位曾效力商台的DJ，包括：鄭丹瑞、林珊珊、陳輝虹、郭靜、鍾雪瑩等；影后級林嘉欣亦夥拍葛民輝及一眾商台現役DJ上陣；而一眾歌手：張敬軒、鄧麗欣、馮允謙、陳蕾、陳卓賢、周殷廷、黃妍、何啟華、Fatboy、魏浚笙、林愷鈴、Sinnie@Lolly Talk，亦為廣播劇特別獻聲演出，分別演繹多個與電台節目有關的單元故事。
首次正式參與長篇廣播劇的林家棟，指《微涼之夏》對他有很特別的意思：「因為年少時都係聽住電台節目成長，而今次故事嘅時間線由70年代延伸至2024年，同香港人息息相關，我一路睇劇本，一路湧現咗好多回憶。今次仲要喺幾代人一齊參與，特別有意義。」第一次正式參演廣播劇，家棟坦言很有挑戰性，因要在細小的錄音室擴闊想像空間，幻想不同情景、對手語氣、狀態及情緒。談到首次與林海峰合作，家棟笑指Jan在廣播界是他的前輩，對着他難免戰戰兢兢。」至於林海峰對於今次的合作既興奮又失望，他解釋：「家棟對劇本及對白嘅要求好高，佢會研究劇情讓角色更立體，而我就係平面嘅，大聲啲就係進取啲，細聲啲就係文靜啲。好好玩係因為太耐無做廣播劇，唔好玩就係因為唔夠喉，同家棟嘅對戲太少，所以我係好興奮，但又好失望。」對於二人劇中的關係，家棟透露：「收到劇本時，我覺得我同阿Jan嘅對白有啲曖昧，疑似無疾而終，所以正式錄音時就問編劇月巴氏，佢只係笑而不語。其實人生難免總有遺憾，我同阿Jan嘅感情，就代表著一份男人情誼嘅遺憾 。」
至於於劇中飾演林海峰少年版的林家謙，透露廣播劇《微涼之夏》是首度與呂爵安正式合作：「我同Edan係『脆友』（社交媒體Threads的朋友），有個稱號叫『喃親呂愛』，之前講笑話拍番套劇，點知而家率先做咗呢套劇嘅聲音版。」家謙指錄廣播劇時都遇到很大挑戰，更與Edan有肢體碰撞：「有段劇講我被人打要大嗌，我覺得好尷尬，跟住叫Edan打我幫我入戲，所以錄音過程就出現咗肢體碰撞。」而飾演林家棟少年版的呂爵安，透露小六時曾參加校外比賽，奪得「最佳男廣播員」，為了今次廣播劇，出名咬字差的他，對咬字最為着緊，他說：「出名鍾意執字嘅林家謙都忍唔住出聲。」
