郭偉亮難搵新成員：要家長唔好參與咁多 Vici被阿媽連累遭踢出女團XiX丨獨家

更新時間：08:00 2024-08-08 HKT
發佈時間：08:00 2024-08-08 HKT

女團XiX剛推出第2首派台歌《Pretty Good》，一班小妹妹教大家先顧好自己，對閒事一笑置之。對於成員由5變4，經理人郭偉亮（Eric）強調將Vici（莊殷玥）踢走是艱難決定，因合作年多依然未能跟其家長成功溝通，餘下4位成員雖然不捨，但尊重Eric決定，亦準備好迎接新成員加入。採訪：杜杜攝影：朱偉彥

新歌由隊中最細，15歲的Charlotte（繆昀希）編舞，是Eric送給她的生日禮物，所以特別珍惜，「可以排到舞真係超開心，又有Sunny Wong老師幫手。」她認為最困難是揀idea，「我有流感都阻唔到我，諗咗太多idea，要揀最好嘅好難。」她獲隊友一致讚賞表現稱職，Crystal（良玳瑩）說：「畀佢2000分，佢仲好有耐性教大家跳佢設計嘅動作。」

XiX拍攝《Pretty Good》MV，Vici（右二）仍有份。

XiX拍攝《Pretty Good》MV，Vici（左一）仍有份。

Eric不會抺殺Vici努力，錄了的新歌照出街。

團員傷心Vici離隊

經理人Eric自稱是XiX舵手，因跟Vici父母意見分歧而決定踢她出團，是無奈決定，「見到隻船係咁入水，一定要好果斷決定，總之我試過晒所有嘢，亦都同佢哋傾過好多次，逼不得已先做呢個決定。」餘下成員坦認不捨，但支持經理人的決定，Kiele（鄧曉殷）說：「Vici應該要啲時間去接受，我哋都傷心，大家喺《聲夢JUNIOR》開始識，一齊行呢條路，希望Vici有更好嘅發展。」

Eric邀請太太葉佩雯（右三）為XiX出任形象指導。

Eric指葉佩雯出po表達對Vici不滿，只是冰山一角。

Eric仍在構思搵新成員，因牽涉太多問題，「實在好難搵個適合，要佢哋家長應承唔參與咁多，仲要同佢哋夾，合約又好複雜，好難，大家有興趣可以DM我哋。」他唔介意搵多過1位成員，「如果有兩個，同家人都好正，唔排除變返six。」4位成員亦歡迎新成員加入，Caitlin（楊秉頤）說：「幾期待，認識新朋友一齊唱歌跳舞係好事。」