周慧敏廣州個唱錯將陳宗澤講成黃宗澤 中秋與家人共度 感謝老公每年送上靚燈籠
更新時間：21:15 2024-09-17
發佈時間：21:15 2024-09-17
發佈時間：21:15 2024-09-17
字體大小
周慧敏（阿V）上周日順利完成《地老天荒愛一場世界巡迴演唱會—廣州站》，更邀請了黃劍文及CY陳宗澤擔任嘉賓，阿V表示：「可能因為自己都係歌唱比賽出身，我好鍾意睇年輕人為了追夢嗰種熱血，見到佢哋每個奮鬥的畫面，都會鼓舞到依家的我，更珍惜餘下的舞台。」跟CY合唱《流言》一曲後，阿V再次多謝CY時，竟錯口講了：「多謝CY黃宗澤！」然後她萬分抱歉笑道：「對你唔住！我返去罰自己呀！背1,000，唔係2,000次！2,000千次陳宗澤。」CY即搞笑回應說：「唔怕！我都成日畀人叫我Bosco㗎！哈哈！」
由於事隔7年再開個唱，早前在澳門還突發宣布唱完今次世界巡演，會無限期暫停休息，不少歌迷亦希望可以多見阿V幾面，廣州站甚至有人於網上非法售賣指可跟她合照的門票，售價5,000人民幣，結果有歌迷受騙，阿V表示，她經過歌迷通知才發現有人如此行騙，已馬上發聲明表示，這絕對是騙案，千萬不要相信。今日是中秋節佳節， 阿V透露會跟給家人度過，更大讚老公每年為他準備靚燈籠。「今年佢訂咗一個燈籠畀我，收到後先發現要自己砌，佢搞咗一輪先搞掂，好多謝佢。」
