Steven 老婆雯雯又嗌「last day」疑再次因租金而被迫遷感激恩人幫忙

更新時間：15:45 2024-10-03
發佈時間：15:45 2024-10-03

張致恒（Steven）和老婆區燕雯（雯雯）長期財困，自Steven到地盤開工後，雯雯亦有一段時間冇再因為錢銀問題而在網上大吐苦水。不過，近日雯雯再度出擊，頻頻出post表示變返乞兒，更爆有輕生念頭，今日（3日) 雯雯又再嗌：「last day」。

雯雯日前爆有輕生念頭，她表示：「如果有人可以令我放心，放下小朋友，你估我唔想去搵肥妹（已故愛狗），我真係好掛住肥妹！」今日，她就以黑底白字表示：‘‘Last day for here” 不過就未有明確表明意思；未幾她再發第二個post 寫道：「襯last Day，都要感謝大家，真心幫過同關心我地嘅人，最重要係幫左我地兩個月嘅恩人，能夠有屋住有飯開生存到，仲車我地周圍去，雖然大家不再是同路人，我地一家都不會忘記你對我地嘅一切。」

在發文一個小時後，雯雯又再次彈弓手，刪除了第二個post，只剩下「Last day for here」，網民都估計她們一家六口再次因租金而被迫遷，亦有不少人指雯雯刪文是刻意營造「自殺」疑雲，搏取網民同情。

↓立即下載星島頭條App↓