陸駿光有阿Gao陳嘉寶力爭超爽皮阿雞興奮俾何嘉莉打讚姜濤成熟咗丨獨家

更新時間：08:00 2024-10-29
發佈時間：08:00 2024-10-29

陸駿光（嗱喳）、張達倫、陳子豐和邱頌偉（阿雞）在ViuTV劇《出租大叔》首合作，4人最開心可跟不同靚女交流，嗱喳就最爽，因為GOLLAR的阿Gao（沈貞巧）及陳嘉寶為他爭風呷醋。一班「大叔」又公開可「出租」服務，包括湊BB、洗車、做經理人到傾心事，梗有一款啱你。採訪：杜杜攝影：朱偉彥服裝:Harrison Wong(達倫)、ad-lib(子豐)

嗱喳演的二世祖是個詩人，好浪漫。

因性向問題，子豐在劇中要跟索妻張紋嘉分開。

劇中達倫是個小男人，好怕畀人覺得自己食軟飯。

阿雞劇中表面揸的士扮冇錢，實質有幾層樓同的士收租。

嗱喳同達倫在TVB經常合作，4人加埋強尼，一班麻甩佬好快熟絡，就算劇集已拍完，加埋Gao及芯駖的群組仍然活躍，不過大部份內容都冇乜養份，子豐說：「呢個年紀唔講無聊嘢，講咩？！」當中最熱烈討論必屬有人Send出Gao或芯駖靚相，一班大叔就會興奮討論，阿雞即說：「睇吓都得啩！」

劇中嗱喳被好友囡囡Gao暗戀，又跟陳嘉寶有段情。

阿雞開心跟女神何嘉莉合作，做「兵」都享受。

達倫跟芯駖由「出租」關係，到差點撻著。

姜濤搵阿雞傾心事

4人開心劇中女拍檔不乏靚女，子豐就有索妻張紋嘉，而達倫亦跟芯駖有段特殊關係，達倫說：「我同芯駖喺心靈上溝通咗，溝吓溝吓差啲深入咗！」阿雞就跟多年女神何嘉莉合作最興奮，幾個兄弟起哄大表羡慕，「有佢做對手真係好易代入角色，佢真係靚嘛！佢打我鬧我，我都覺得係爽同正，享受嚟！」嗱喳更有陳嘉寶和Gao享盡齊人福，「我有朋友個女喎！後尾佢仲同嘉寶為咗我有衝突，我坐喺度食花生，爽呀！𡃁妹同女神為我爭風呷醋喎！都不知幾想拍耐啲。」

4個「大叔」近日公開後生相引起話題，變化最少算是嗱喳。(圖：子豐)

4個「大叔」近日公開後生相引起話題，變化最少算是嗱喳。（圖：達倫）

4個「大叔」近日公開後生相引起話題，變化最少算是嗱喳。（圖：嗱喳）

4個「大叔」近日公開後生相引起話題，變化最少算是嗱喳。（圖：阿雞）

講到出租服務，「大叔」們自認各有所長，阿雞本職教年輕人做戲，亦擅長做聆聽者，曾教MIRROR演戲的他，拍新劇《無用的謊言》時，姜濤也主動搵佢傾偈，「佢對戲劇表演有啲新諗法，就會同我講『老師想傾吓最近新發現』。」他讚姜濤成熟不少，「佢自信多咗，更加清楚自己要啲乜，見到佢哋12個咁大變化，突然要認老。」囝囝已5歲的子豐就想幫人湊BB，「想湊啲啱啱出世至1歲嘅BB，好鍾意嗰種BB味，但又唔想再生多個。」嗱喳近期好鍾意搞衛生，可以幫人洗車，「我好享受拖地執屋，覺得好減壓，但係人哋間屋就唔方便，洗車應該可以。」達倫從影多年好了解藝人需要，可做經理人，「可以做佢哋3個經理人，我又熟佢哋性格，但強尼就唔做嘞，佢年紀大啲，哈哈！」