七師傅棄磚頭改買黃金淨賺過百萬年初預言中晒再醒市民生財小貼士丨獨家

更新時間：07:00 2024-11-02
發佈時間：07:00 2024-11-02

七師傅(七仙羽)率先推出的運程書《七仙羽蛇年招財納福》報捷，連續兩年擊敗對手於各大書店「休閒趣味書籍暢銷榜」排名第1位。今年初曾預言樓市股市跌的七師傅，再醒市民生財小貼士，處於股市波動期不易長期炒買，建議最好買黃金，坦言早已購入大量金磚及金條，升值後淨賺過百萬。採訪：方騫平

七師傅運程書蟬聯兩年銷量冠軍，推出簽名版一天，就賣出1千本令她好驚喜：「因為𠵱家競爭太大，能揮低新舊玄學家著作及跟海量暢銷書鬥唔容易，尤其第4名預言明年亞洲有災難嘅書，持續一年企梗銷量榜首，好彩長期辛苦努力下終於有小小成績。」今年初，七師傅預言股市、bitcoin跌、樓市冧，更因打仗令金價上升及出現猴痘：「所以就算香港甚至海外都有唔少fans。」

持有大量金磚金條

七師傅擁有商業管理博士學位，曾擔任財經記者，在港持有10個物業，身家超過10億。投資有道的她用玄學及科學角度解說現時的經濟狀況：「雖然有政府刺激經濟助股市向好，但唔同因素影響下，股票都會下跌，而且美國經濟走下坡，大選前後股市都會下挫，所以要買就要快買，記得唔能夠持貨太耐；而2026年係赤馬、2027紅羊，每遇「赤馬紅羊年」，好大機會有災禍，進入戰爭狀態，要逢低位買黃金，金價好快見$3000美元，所以買樓要等災難後再打算，樓市要去到2028才回穩。」除買金外，七師傅建議如果港元利息低就存美金，因為美金利息高啲，而經濟差，市民消費意慾降低，暫時不宜做生意。七師傅早已趁金價於$1600至1800美元價位，買入好多金磚及金條，一個大金磚重20両，實金已賺過百萬：「大環境可以長期持有黃金，出出入入只會蝕咗啲手續費。」