東張西望丨報道手法惹爭議？「刺身姐」認食物來自垃圾房 黎寬怡兩度遇襲險被打中心口
發佈時間：22:02 2024-11-08
TVB節目《東張西望》經常採訪社會上不同事件，雖然當中危機四伏，不過攝製隊連同女主持個個心口上「勇」字進行採訪。日前主持黎寬怡與攝製隊葵涌追訪路邊檔疑售賣過期食物，一度惹起爭執而被襲，事件連日來分段式報道，遭網民斥「擠牙膏」，主持人區永權為事件解畫。主持黎寬怡採訪「刺身姐」的驚險場面終於在今集曝光。
相關閱讀：東張西望｜葵涌天光墟「刺身姐」垃圾堆翻三文魚自製「爭鮮」花之戀壽司 揭二手食物檔成行成市
黎寬怡採訪「刺身姐」驚險場面終於曝光：
《東張西望》在台慶月安排特別偵查報道，因接獲觀眾報料，有黑心檔販在葵涌天光墟出售過期食物，以極平價出售的鴨殼、燒豬頭、蔬菜、鮮奶、壽司、麵包、飯和微波食品等，攝製隊花了一個月時間追蹤食物的貨品來源，採訪片段亦已於周一（4日），不過因每晚只報道部份情節，結果惹來觀眾有不同反應，有人大讚報道高質，值得花時間追看，但同時亦有人斥：「唔好再拖，晚晚都話聽晚，我等咗好多晚。」主持區永權為事件解畫，他說：「真唔好意思，明白每個觀眾都有自己期待嘅角度同畫面出現，不過作為嗰度嘅居民同市民，都想知道多啲不為人知嘅畫面，辛苦攝製隊用咗一個月時間，先令我哋睇到抽絲剝繭嘅畫面。」
在今晚（8日）播出的一集，主持黎寬怡與攝製隊報道「刺身姐」每晚在垃圾堆剿廚餘，以零成本自製刺身丼，有知情人士說：「幾十年嚟呢個位都係咁樣，特別係頭先嗰個，更加係賣咗幾十年，但係好多人幫襯，因為啲人貪平，麵包都係1、2蚊一個，嚟得呢度啲人，全部都係貪小便宜嘅心態。」片中所見，「刺身姐」售賣的食物有不同種類，知情人士稱大概都知食物的來源：「有啲我都想講，但有啲的確係偷返嚟，有啲佢知啲舖頭幾點揼出嚟咪去執。老實講，佢哋咁樣做生意的確係冇良心。」
主持黎寬怡上前追問「刺身姐」是否非法擺檔，與及所賣食物的來源，「刺身姐」含糊地說：「攞返嚟囉，喺街邊攞返嚟，（有啲食物過咗期，驚唔驚食壞人？）幾年啲人都係咁食，好多人買，人哋話乜嘢價錢就乜嘢價錢。」黎寬怡再追問有部份食物是來自壽司店，「刺身姐」邊收拾邊說：「係呀，（邊度攞貨？）喺街邊囉，我自己搵。（有街坊話喺垃圾房執出嚟）係呀，嫌污糟咪好買。（點解咁做？）有得賣咪得，10幾年都係咁。」
「刺身姐」賣獨門壽司？
期間有黑衣男上前買食物，不過「刺身姐」不肯收錢，而且還準備收拾細軟走人，還有藍色帆布企圖遮鏡頭，黎寬怡上前阻止，「刺身姐」扯火狂鬧：「咁你唔好影我哋啲嘢，唔舒服咪報警囉。」「刺身姐」推着車急步人，黎寬怡再追問「你承唔承認部份物件係偷返嚟？」「刺身姐」再度發爛：「你都痴根，話我偷返嚟咪報警，你係咪傻㗎？」接着連人帶車走入一幢大廈，「刺身姐」邊說邊阻鏡頭：「你唔好問我，你喺度影乜鬼？我都有私隱。」混亂中「刺身姐」趁機入LIFT上樓。知情人士又稱甚少有執法人員出現，對上一次已經是2年前的事。
節目亦預告「刺身姐」的公屋單位淪為黑心食物大本營，鄰居投訴無門，而攝製隊在無預警下遇上「刺身姐」的支持者，在街上公然被襲，黎寬怡險被打中心口，黑衣男再用行李箱上的金屬手柄，多次襲擊同行的攝製隊，至於行兇者的下場和真正身份？下回再分解。
其他文章：
《東張西望》攝影師葵涌遇襲被壓倒在地 主持黎寬怡在旁做一事 大批市民圍觀
東張西望｜25歲男墮情騙被呃60萬？二人當面對質到入夜 女神被問兩事即hang機
東張西望丨25歲男拍拖3年被騙60萬：只錫面拖手 「觀音兵團」多達X百人「表哥」都有份？
東張西望丨中女遇「筍盤」被呃感情仲連累友人 失婚男中招：冇諗過會有人冒認XX
章：
