陳豪送60萬名牌袋予陳茵媺 豪言：so what 爆細女性格強悍唔怕被恰
更新時間：21:15 2024-11-17
發佈時間：21:15 2024-11-17
發佈時間：21:15 2024-11-17
字體大小
陳豪今日（17日）出席於沙田馬場舉行的音樂會，陳豪化身調酒師，為賓客調製特色cocktail，他笑稱可收埋自己把靚聲，歌唱交由專業的歌手負責。
談到咖啡生意，陳豪表示要穩陣尋求機會，因經濟環境不是想像中好，要看地舖位置及租金，雖然租金有調整，但使錢易，搵錢不容易。談到送60萬名牌手袋給太太陳茵媺，很捨得花錢在家人身上，陳豪笑說：「唔好講錢，錫老婆係必須，只要老婆開心，so what！哈哈！仔女都係，但最緊要唔好畀佢哋亂使錢習慣，所以站在經濟角度去處理。不過細路成日話要買，測試我哋，但盡量唔好，因屋企玩具太多，玩一陣放埋一邊，見下一個又話買，唔識珍惜，唔想養成呢個習慣。所以會問係唔係生日想買，佢哋就會小心揀。」
細女強悍又可愛
此外，陳豪表示盡量對3子女公平，但遇上朋友或外人贈一、兩份禮物，會猜包剪揼決定。是否特別寵溺女兒？他直說：「唔係，我個女係強女人，係佢天生性格，唔使驚恰到佢，強悍、霸道、又嗲又可愛，我都不知怎麼樣，有咩符，哈哈！」
最Hit
保溫杯中毒丨用錯保溫杯恐吞重金屬 醫生教認清4號碼 忌放3種飲品
2024-11-25 13:54
74歲譚詠麟患病憔悴拍片交代病情！食藥休息都冇好轉 宣布取消原定工作
2024-11-24 19:30
