連詩雅頻與黃翠如分享育兒心得 自爆風水屋旺丁會生多過兩個 樂意與陳家樂夫妻檔拍戲咀嘴
更新時間：20:15 2024-11-20
發佈時間：20:15 2024-11-20
發佈時間：20:15 2024-11-20
字體大小
連詩雅（Shiga）今日（20日）以嘉賓身份為為HOY TV節目《見招拆招風水局之佈局》進行拍攝。連詩雅笑言誕下囡囡後發現家中地方不夠用，不過住所的風水很夾她和老公陳家樂，而且旺丁，更爆楊天命師傅指她命格如果多生仔女會很旺事業，她說：「我目標生兩個，自己都鍾意小朋友，暫時唔覺辛苦，而家囡囡最得意有啲反應又成嚿飯，有時笑吓又嗲吓你，所以日後唔介意生多過兩個。」連詩雅笑言每朝也早過老公陳家樂起身，去訓練囡囡叫媽媽，同時埋怨老公近期拍戲也少時間陪伴囡囡。
提到好友黃翠如公布懷孕喜訊，連詩雅坦言早已得知消息，亦慶幸因為拍戲後跟黃翠如、陳自瑤（Yoyo）變成閨蜜，感覺多了兩位姐姐，「自己好多蝦碌事發生，佢哋都經常照顧我。」談到可會給予黃翠如安胎貼士？她說：「我都好多嘢學緊，大家互相分享，我成日有傳訊息畀佢，睇吓有乜需要。（可知黃翠如曾經小產？）冇特別問，我哋都係有乜事會自動講。」
另外，已跟TVB完約的連詩雅，表示回復自由身後，歡迎各界找她拍戲，雖然不抗拒跟老公陳家樂再次合作，但她說：「如果同佢互相有感情線就好怪，我望住佢同第二個，佢又望住我同第二個。（不能接受親熱戲？）唔係，睇吓劇本需要啦！」
最Hit
深水埗餐廳結業潮？30年老字號雲吞生麵食也離場 區內老舖、小店三個月執5間
2024-11-20 15:36
TVB台慶｜台柱司儀今年無影行蹤曝光 另覓好友北上玩樂 多位新舊TVB藝人現身
2024-11-20 15:00
