敖嘉年跟火辣女神拍「3P床戲」硬晒軚 蘇韻姿戲外分享幫人剃毛經歷丨獨家
發佈時間：07:00 2024-12-28
HOY TV開拍首部原創劇《我愛九龍城》演員組合新鮮，無綫舊將敖嘉年、蘇韻姿、陳思圻（原名陳偉琪）於劇中被安排大玩 「3P床戲」，3人身貼身大被同眠於一張4尺雙人床上，赤祼上身的敖嘉年被33C「心形胸」蘇韻姿及36E「咪神」陳思圻夾住，只能目不斜視，硬晒軚！不過戲外，3人就對嘴型好啱傾，蘇韻姿更向兩人分享在多倫多做電視台PA時，曾臨急為選美佳麗剃陰毛的嚇人經歷！ 採訪：方騫平 攝影：朱偉彥
明年播出的HOY TV首部自家原創劇《我愛九龍城》共10集，每集半小時，新劇以九龍城作背景，是一套充滿香港特色的劇集。之前敖嘉年、蘇韻姿、陳思圻於九龍城一所唐樓天台取景拍搞笑床戲，劇情講在夢中玩3P，但3人只需瞓在床上，用腳互相搓來搓去交戲，結果就孕育出BB來。
肌膚之親唔敢亂諗
當日蘇韻姿、陳思圻穿上深色晨褸上陣，將身材包得密密實實；敖嘉年則赤祼上身，由於瞓在一張4尺雙人床上，3人要身貼身黐得好埋，鏡頭以外，瞓在中間的敖嘉年明顯有點不自在，每當不用入鏡即避開嫌疑，縮埋雙手放喺被面，而且整個人硬晒軚！敖嘉年說：「出面好凍，但我哋喺被竇就有啲熱！」有幸跟火辣女神同眠，他卻吃不消有「微言」：「我拍得好辛苦㗎，對眼冇嘢好望，又唔敢亂郁，只能望住天花板。」對於跟兩女有肌膚之親，48歲的敖嘉年被追問可有生理反應時？他誠實說：「最親熱咪啲腳趾……我唔敢亂諗喎，專心諗住點拍。其實唔會有乜反應啦，又唔係初入行，只係做嘢啫。」入行7年的蘇韻姿原來沒有拍過床戲，坦言拍前都有點緊張。
異口同聲唔敢玩3P
現實中敖嘉年、蘇韻姿、陳思圻冇玩過3P，敖嘉年強調沒這個資格，又解釋自己是船頭驚鬼船尾驚賊的人；陳思圻堅持：「要爭就唔係你㗎啦。」蘇韻姿表示同意，單身的她抱隨緣心態，總之有就有，要爭就咪搞，dry都有dry好。
大台出身同聲同氣
不過，敖嘉年不忘大讚和兩人合作一個「掂」字：「唔好以為佢哋靚靚女女，原來幾低能，拍戲有喜感，得閒仲會分享笑料。」蘇韻姿自爆9年前曾為加拿大新時代電視做選美會PA時遇過的經歷：「因為讀大學時讀過戲劇，電視台叫我試下做幕後，試過喺選美會嘅泳裝環節，發覺有位佳麗下面冇準備好，但show must go on，老細指示我馬上幫佢處理好解決問題，唔可以令女仔出醜，好彩現場有剃刀。嗰刻冇諗到尷尬問題，最緊要快手快腳配合到直播時間，總算順利過關，經此一役係一個好好體驗，學會臨場應變，唔同場合都要留意多啲現場環境。」另外，敖嘉年、蘇韻姿、陳思圻離開TVB後首次合作，蘇韻姿、陳思圻同聲同氣好有共鳴，故相當珍惜合作機會，蘇韻姿形容大家離開大台後都成長了：「而且今次係全實景，好有新鮮感。」以前拍開處境劇《愛•回家之開心速遞》 飾「細龍太」的陳思圻反而感到有壓力，但見返一班舊朋友就好有親切感。
