《誤判》票房衝破2700萬甄子丹謝票遇女粉絲示愛 MC望電影大賣恨收大利是

影視圈

更新時間：16:45 2025-01-26
發佈時間：16:45 2025-01-26

電影《誤判》自12月21日在本港開畫至今，累積票房已超過2700萬！為答謝觀眾對電影的支持，身兼監製、導演及領銜主演的甄子丹，聯同MC張天賦及鄭則士（Kent）現身戲院謝票！當三位主演現身時，現場觀眾即以尖叫歡呼拍手歡迎，見到一班熱情影迷的支持，甄子丹表示：「之前一直在忙，終於可以加入團隊一齊同大家謝票，衷心感謝每一位入場支持嘅觀眾朋友！新一年祝大家金蛇添福！」而早前一直忙於工作的甄子丹，今日現身更遇上女粉絲公開示愛：「真係好喜歡你呀甄生！本身今日搭飛機走，但知道可以見到你，我即刻改機票啊！希望你拍多啲動作電影俾我地睇！」面對女粉絲示愛，甄子丹回應：「多謝你，雖然我年紀唔細，但能夠拍到嘅時候都會繼續拍！」

鄭則士要同MC隻揪？

今次是三人首度合體謝票，MC先向兩位前輩拜早年：「祝兩位身體健康，心想事成，最緊要《誤判》大賣，咁我封利是就可以大大封啦！哈哈！」Kent哥承接回應，更向現場觀眾表示：「頭先聽到呢個祝福好啱用，入場睇《誤判》，賺到盤滿缽滿！」而作為導演的甄生亦擔起選角重任，被觀眾問到下次會否考慮安排動作戲份給Kent哥？他表示：「如果可以拍到都幾正！」Kent哥就笑笑口回應：「我得呀！係咪要同MC隻揪？」引全場觀眾起哄表示支持！

↓立即下載星島頭條App↓