移英前女友疑做一事 涉濫用逸東邨公屋單位 港男揚言準備舉報｜Juicy叮
發佈時間：12:51 2025-03-14 HKT
房委會已於2025年1月15日推出「舉報濫用公屋獎」計劃，成功舉報可獲最高3000元獎金及感謝狀。有港男正磨拳擦掌準備「大義滅親」，舉報已移民英國的前度女友。
懷疑舊愛利用單位賺錢
樓主早前在facebook群組「公屋討論區 - 香港facebook群組」發帖，講述居東涌逸東邨一人單位的舊愛，人雖然已移民英國，但仍然保留公屋單位，而且懷疑利用單位賺錢，查問「有冇得舉報㗎？」。事件詳情見下圖↓↓↓↓
網民質疑男朋友身份
由於樓主聲稱「淨係知電話同英文名，中文名同地址不詳」，惹來網民質疑其男朋友身份，指「前度女友嘅中文全名又唔知，住喺邊個單位又唔記得，咁你舉咩報啫」。
但據樓主在回應欄解釋，涉事的女子實其是「前前前女友」，地址不詳是因為「成6/7年前嘅，點會記住」、「太耐啦，佢新居入伙上過一次」。至於中文名不詳，則以「我知全名點讀，但同音多字呀嘛」作辯解；並表明「未舉報過，資料唔齊，咪（發帖）問下有冇得咁舉報。唔識咪問」。
港男指移英前女友疑濫用公屋逐張睇↓↓↓↓
網民：愛嘅反面係恨
回應的網民始終不放過樓主，指「你好等錢使」、「明顯被飛」、「因X成恨？」、「果然愛嘅反面係恨」、「反轉豬肚就係屎」、「個女仔識著你啲Ｘ街真不幸」，並鼓勵放下舉報念頭：
•「你好恨佢？放過別人等如放過自己，向前行吧！」、
•「呢件事睇得出，一個人為咗$3000，可以去到幾盡......」、
•「咁前前前前嘅女友，都要耿耿於懷要報復，唔好成個女人咁，大方啦」、
•「話晒都有一手，好心你就俾返啲男人風度放過人啦，你等$3000開飯呀」、
•「看來你跟前女友唔係好熟悉，名都不知，做男人唔好咁小氣，過去了就算，何必報復」。
港男指移英前女友疑濫用公屋逐張睇↓↓↓↓
樓主義正嚴詞反駁
雖然面對質疑，但樓主義正嚴詞地作出反駁，強調「犯法喎⋯⋯你支持犯法？」、「你咁多耶蘇，所以你支持犯法用公屋收租嗎？」、「犯法舉報好正常啫」。
也有網民力撐樓主，指「我覺得可以去房署試下」、「舉啦3000蚊啵」、「舉咗先，又唔使錢」；另有人教路，「睇你都係只為報仇，你搵私家偵探查晒所有資料先舉報吧」。
懷疑濫用公屋8大情況↓↓↓↓
根據「舉報濫用公屋獎」計劃，舉報人須年滿16歲，由於涉及現金奬勵，舉報人必須以實名舉報，並同時提出參與計劃。而房署的網頁及舉報濫用公屋網上表格的內容顯示，有關的舉報事項，可包括以下8大情況↓↓↓↓
舉報濫用公屋獎 舉報方法
「舉報濫用公屋獎」下，巿民如欲舉報濫用公屋，除可致電房屋委員會熱線 2712 2712及通知屋邨辦事處，亦可填交「舉報濫用公屋郵柬」 或 「舉報濫用公屋表格」 再郵寄至房屋署「善用公屋資源分組」，亦可在網上填寫和遞交「舉報濫用公屋網上表格」。
相關閱讀：掛60吋巨電視上牆 公屋戶憂鄰居貪$3000舉報 網民：對面屋咁樣都未怕↓↓↓↓
因應「舉報濫用公屋獎」計劃，有公屋戶早前驚青地在網上「香港討論區」發帖求助，指「住公屋但係比隔離屋知道我掛咗部60吋電視機上牆，好驚被舉報（富戶）。隔籬屋可能貪嗰$3000囉！可以點拆？（註：仲有一架Cannondale單車（名牌貴價單車）放門口）」↓↓↓↓
