劉沛蘅呻相差9年演姐弟戀難投入 同ANSONBEAN拍咀戲險受傷丨獨家
發佈時間：07:00 2025-02-06 HKT
33歲劉沛蘅（Hillary）和24歲ANSONBEAN（陳毅燊）在ViuTV劇《老是常出現》，首演一對，還有咀嘴和床戲，但拍咀戲竟因大用力差點受傷，Hillary又呻相差9年姐弟戀難投入。而初次跟一班前輩合作，他們由緊張到得閒約飲茶，合作相當愉快。採訪：杜杜 形象:June Chow(Hillary) 髮型:Derek Li@Xenter Salon(ANSON)、Seiko@hair culture(Hillary) 化妝:Zoe Fan(ANSON) 服裝:Dolce & Gabbana(ANSON)、Isabel Marant(Hillary)
Hillary和ANSONBEAN雖然同公司，但合作演戲是首次，他們互讚對方是好對手，Hillary很欣賞師弟的自律，「佢比較跳脫，好在意佢嘅外在，總之見到肌肉，佢開機前會做足準備，空檔會走去健身，幾勤力小弟弟。」ANSONBEAN讚師姐口齒伶俐，思路清晰，「佢任何時候都非常有組識腦轉得好快，圍讀時一路讀一路調整個戲，睇得出非常專業。
同前輩合作有壓力
劇中Hillary跟ANSONBEAN大談相差1年姐弟戀，但現實Hillary大足9歲，她坦承好難投入，特別是兩人的咀嘴戲，比起拍另一場床戲更困難，「我唔係幾接受到姐弟戀，抽離咗個角色當佢好似細佬咁，佢又係師弟，感覺上保護去湊住佢，要拍呢場戲有啲怪怪的，比起場搞笑嘅床戲，呢場反而難投入。」她拍這場戲還差點受傷，「佢係強吻我，一攬埋嚟就錫，撞到我面容扭曲，拍咗幾次都牙撞嘴唇好痛。」ANSONBEAN就解釋事前不用向女友張天穎備案，「套劇係2022年8月拍，嗰時未識，但將來要拍都會講聲，尊重嚟。」
講到初次跟一班前輩合作，兩人難免會緊張，Hillary說：「開頭未熟，劉老師（劉江）唔笑個樣又幾嚴肅，好驚佢哋覺得我唔專業，係啲壓力，但之後大家對戲有商有量，食飯佢哋又會講吓以前點拍嘢，氣氛緩和晒。」ANSONBEAN更跟前輩「打」一片，「雷哥（張雷）有好多故事，會同我分享玩電單車，又會騷吓佢啲武功，我哋得閒仲會約飲茶，拍攝時好多謝各位前輩畀個好舒服嘅環境畀我哋去演。」
