友乜唔講得｜廖碧兒08年失戀靠TVB金牌綠葉王陪伴捱過蛻變女強人坐擁酒莊酒地全因失戀

更新時間：15:47 2025-04-14 HKT
發佈時間：15:47 2025-04-14 HKT

無綫（TVB）節目《友乜唔講得》由阮兆祥、梅小惠、江欣燕擔任主持，每集節目請來嘉賓分享娛樂圈趣事。昨晚（13日）一集《友乜唔講得》邀請已轉型為女強人的廖碧兒及蘭茜接受三位主持訪問，以「藝人轉型」作為主題。

廖碧兒因失戀遊美啟發釀酒念頭

廖碧兒和蘭茜亦分別轉型做紅酒生意及行政/藝術方面的工作。現時於法國擁有酒地、在智利擁有酒莊的碧兒，與「TVB金牌綠葉王」阮兆祥因拍攝《皆大歡喜》成為好友，碧兒笑言 2008年失戀期間，全靠阮兆祥的陪伴才撐過去，並因而開啟了屬於她自己的紅酒之路：「嗰時我想要散吓心，我記得去咗加拿大拍電影，但落大雪拍唔到，我哋（我同祥仔）就飛咗去美國一日遊；我係喺美國開始有釀酒念頭先，嗰時原本我好唔開心，但去到嗰度覺得 everything is so beautiful,仲好有希望。」小惠笑說：「隔籬係阮兆祥都好有希望？」廖碧兒解釋：「佢搞笑吖嘛，令到我好開心。」

廖碧兒學釀酒曾被質疑：佢識㗎咩？

廖碧兒指，自己本身不喜歡飲酒，當初走去釀酒除了是想調製出自己喜歡的味道，亦是真心想做善事，一切來得低調；直到她釀的酒獲得獎項肯定、有愈來愈多人知道她有釀酒後，質疑之聲因而響起，碧兒亦在那刻決定要正式學品酒。「開始有人judge我：『吓佢識㗎咩？』咁我就去學番WSET嗰啲（Wine & Spirit Education Trust）。其實Blind tasting我好驚，要知咩提子咩年份。」雖然經歷了這麼長時間的釀酒之路，有酒地兼有酒莊，但碧兒卻強調釀酒並不賺錢，並以「嫁人」做比喻：「等於你結婚，你好難話嗰個人係投資，你係蝕都好，你都會同佢結架嘛，我係蝕架！」