方力申笑指父母勁錫Maple恨抱孫畀實惠價家用太太冇詐型

影視圈

更新時間：00:15 2025-04-28 HKT
發佈時間：00:15 2025-04-28 HKT

方力申（小方）今日現身馬場，他自覺結婚與拍拖是兩回事，婚後學識如何做人，處事成熟了，要有擔當和責任，互相遷就、體諒和溝通。

方力申稱妻子身子弱

小方表示兩夫婦與父母同住，笑問有否婆媳糾紛問題？他笑說：「一齊住，係危險呀。廚房係阿媽聖地，雪櫃我開耐過5秒都畀阿媽鬧嘥電漏水。阿媽非常錫佢，錫佢多過錫我。我問爸媽食咩，佢哋話唔使問，問Maple想食咩。到將來有小朋友又係另一難關……我拭目以待。」提到跟得夫人Maple早前未有同行欣賞小方廣州演唱會，小方指太太不適，問是否將有喜訊公布？他說：「唔係，佢唔舒服，佢身子較弱。（暫不可公布？）唔係，你哋唔好咁Chur住。」小方直言父母恨抱孫，他指結婚斟茶給父母時，爸爸講了句傳宗接代，早生貴子，爸爸聽到Maple叫爸爸時，爸爸露出好燦爛笑容，是他十多年沒見過的笑容，令他記一世，所以會盡快生小朋友。小方又說婚後要給太太家用，並指太太開出的價錢很實惠，他即說沒問題，笑指太太未知通脹，這一年都不會加價，最好一世都是這個價。

↓立即下載星島頭條App↓