關注組力推觀塘6大必食燒賣大埔名店粉果佬殺入九龍／$1粒燒賣超抵食

更新時間：19:16 2023-01-27
發佈時間：19:16 2023-01-27

觀塘 6 大必食燒賣｜觀塘區一直都是小食店的集中地，皆因多工廠又多辦公室，人流極旺，撐得起大量食肆。不過店多自然競爭大，而燒賣就是其中一個鬥爭激烈的項目，Facebook 「香港燒賣關注組」近日整理了觀塘區 6 大燒賣名店，並手繪地圖，6 間店分別盤踞觀塘東南西北，被網民形容為「古有華山論劍，今有觀塘論燒賣」。

觀塘 6 大必食燒賣

6 間燒賣名店包括駿運士多、興發熟食、30FX、參叔手造粉果佬、快餐車美食及素心齋，因其地理位置，被網友戲稱為「東30FX，西快餐車，南駿運，北興發，中粉果佬/素心齋」。

1. 駿運士多

喜愛燒賣的朋友必定聽過「駿運士多」大名，早前以「1蚊1粒」燒賣掀起熱話，雖然已稍稍加價至 8 粒 $10，但依然非常抵食。駿運士多被譽為「觀塘最強燒賣」，生意好的日子，3pm 就會賣完。香港燒賣關注組亦對駿運士多讚不絕口，指其「以平靚正快手見稱，每日打工仔返工前都必買」。駿運士多有魚肉燒賣及豬肉燒賣兩款，豬肉燒賣新鮮出爐熱辣辣，一打開蒸籠已聞到豬肉燒賣的陣陣油香，每粒都清楚見到有冬菇碎，超足料。

駿運士多
地址：觀塘駿業街60號地下
營業時間：星期一至六 07:00 - 15:00

2. 興發熟食

興發是從街頭走入裕民坊新商場的老牌小食店，由老闆娘黃瑞興一腳踢打理，在觀塘數十載，人情味濃。香港燒賣關注組指興發「以招牌醬汁佔領觀塘道以北」，指的是老闆娘自家秘製辣醬。名為辣醬，但其實入口頗為溫和，有點像舊式街頭小吃咖喱魷魚的味道，以辣椒皮混和大量蒜粒而製成，帶有微甜，惹味香口。興發的豉油亦有自行調配，不會死鹹。燒賣 10粒 $10，性價比極高。

興發熟食
地址：觀塘協和街33號裕民坊YM² 1樓裕民里1B11號舖
營業時間：星期一至日 10:00 - 22:00

3. 30FX

網店「叄拾士多」開設的首間實體外賣小食店，走新潮創意路線。燒賣有三款，分別是魚肉燒賣（$15／8粒）、炸魚肉燒賣（$15／6粒）及爆茜魚肉燒賣（$15／6粒）。叁拾士多的急凍燒賣一向多捧場客，招牌魚肉燒賣可以日賣 10,000 粒，魚肉夠香、口感彈牙。30FX 老闆曾指「食燒賣有一半是食醬」，所以特意配上叄拾士多熱賣的「夠抽」甜豉油，將燒賣的滋味提昇至另一層次。

30FX
地址：觀塘店開源道68號觀塘廣場地下8號舖
營業時間：星期一至日 11:00 - 21:00

4. 參叔手造粉果佬

「粉果佬」是燒賣界的老前輩，由人稱「燒賣佬」的參叔親自包製手工魚肉燒賣，用上鯊魚肉、洋蔥及冬菜等食材打肉，口感煙韌厚實，配上秘製辣椒油非常香口，5粒 $10 價錢相宜。本店在大埔赫赫有名，今年 1 月才首次在觀塘開設分店，香港燒賣關注組形容為「燒賣老大哥空降觀塘，令觀塘道以南出現群雄割據，戰況十分激烈」。

參叔手造粉果佬
地址：觀塘巧明街巧明工業大廈地下地鋪
營業時間：資料從缺