榴槤揀法｜水果達人推介3大品種馬來西亞金枕頭／貓山王／D24／紅蝦邊種好？ 4招揀榴槤秘訣

更新時間：13:59 2023-06-08
發佈時間：10:46 2023-06-08

榴槤揀法｜榴槤旺季到！近日榴槤收成大漲，大量榴槤湧向市場，非常抵買。榴槤款式極多，金枕頭、貓山王、D24、紅蝦等等，到底應該怎樣選擇？不同產地／品種的榴槤又有甚麼不同？水果達人「林記水果」負責人林生就推介 3 大當季榴槤品種，再傳授 4 招揀榴槤秘訣，包大家輕鬆買到靚榴槤！

榴槤揀法｜榴槤產地：馬來西亞榴槤 vs 泰國榴槤／越南榴槤

榴槤揀法，易學難精，揀靚榴槤要由榴槤產地學起！現時香港的榴槤一般來自馬來西亞、泰國或越南。泰國或越南榴槤採用船運，價錢較平，平均$40或以下一磅。馬來西亞榴槤（馬拉榴槤）則採用空運，價錢較貴。馬來西亞榴槤一般是樹上熟，質素穩定，出問題的比率較低，林生指今年正常發揮之下，馬拉榴槤只有 1-2% 的貨出問題。相反泰國或越南榴槤是採摘後才放到成熟，近年為追趕產量，質素越發下降，有高達 2-4成的貨有機會出問題，有可能買回家打開後才赫然發現無辦法熟透，是「生蕃薯」。

林生指過往港人多吃泰國榴槤，貪其經濟實惠，不過今年泰國因為雨量的問題，供應量減少，近日市面已經少了泰國榴槤。反之6-9月是馬來西亞榴槤當造時期，所以現時他會推薦吃馬來西亞榴槤。

榴槤揀法｜馬來西亞榴槤勿亂揀正宗馬拉榴槤極苦!?

林生指在不同時段會有不同的馬拉榴槤供應，例如雷公、黑刺、紅蝦、白珍珠、彭亨洲、老樹等，種類繁多。但林生坦言，並不是每一個品種都適合推介給港人，因為馬來西亞的榴槤其實以偏苦居多，有3分之2品種的馬來西亞榴槤都帶苦味，味道苦得像黑朱古力。

「馬來西亞人非常喜歡苦榴槤，認為這樣才正宗，但香港人卻吃不慣。例如彭亨洲、老樹等品種，雖然不少商家用這些名稱做宣傳，但如果是正宗的這些品種，我未見過有香港人真的喜歡吃。」

榴槤揀法｜3大榴槤品種推介貓山王／江海／金鳳

既然馬來西亞榴槤有機會偏苦，那應該怎樣揀才好？綜合價錢及味道，林生指現時以下3款榴槤品種最值得推介：

榴槤揀法｜品種推介｜1. 馬來西亞貓山王

點擊睇馬來西亞貓山王特色與價錢：

要推薦當季的榴槤品種，不得不推大熱貓山王。貓山王味道甜，外貌容易辨認，而且產量多，有不同的重量大小選擇，大至7、8磅，小至2、3磅一個都有。加上容易開，方便處理，所以很滿足到市場需求。林生指貓山王幾乎佔據香港市場七成貨量，現時是吃貓山王的最佳時節，「一般貓山王榴槤是半甜半苦，撞出濃郁果味。而現時新一季的貓山王，苦味較淡、甜味較濃，乾爽，感覺有點像泰國金枕頭，更配合香港人口味。」

貓山王榴槤價錢亦便宜，市面零售價大約是 $1300 - 1600一箱，一箱10kg約有7-10個。如果以重量計算，則平均 $80 左右一磅。

榴槤揀法｜品種推介｜2. 馬來西亞江海

點擊睇馬來西亞江海特色與價錢：

馬來西亞榴槤江海雖然果肉較小、果肉細，但好處是核細，而且味道佳。入口純甜帶濃厚的奶油香味，肉質「creamy」，完全不帶苦澀，很合港人口味。江海價錢亦不貴，平均市價約 $60左右一磅，比貓山王便宜。

榴槤揀法｜品種推介｜3. 馬來西亞金鳳

點擊睇馬來西亞金鳳特色與價錢：

馬來西亞榴槤金鳳與江海非常相似，是江海的晉級版本。金鳳同樣果肉細、核細，味道純甜帶奶油香，有濃濃的榴槤味，色香味俱全。金鳳更帶有回甘的味道，林生形容為「50%甘50%甜」。馬來西亞金鳳價錢比起貓山王及江海略貴，市價大約 $100-120磅。

林生亦提到另外兩款榴槤品種——馬來西亞小甜甜及馬來西亞竹腳，其實都適合香港人的口味。但相比起貓山王、江海及金鳳，兩個品種都有缺憾，小甜甜產量少，而且不少果園的出產都不穩定，有機會中伏；竹腳雖然味道好，但外殼堅硬很難開，林生身經百戰都覺得很難駕馭。所以相較貓山王、江海及金鳳，並不特別推薦食客買小甜甜或竹腳回家嘗試。

榴槤揀法｜水果專家教路揀榴槤4大貼士

如何才能買到又香又甜、熟度剛剛好的榴槤？水果達人林生有以下4個貼士：

榴槤揀法｜揀選貼士｜1. 留意榴槤果柄

果柄最容易觀察到榴槤的狀態。如果榴槤的果柄濕潤、顏色枯竭，就代表榴槤可能已擺放了很久不新鮮，或者已經過熟，應該挑選果柄乾身的榴槤才新鮮。

榴槤揀法｜揀選貼士｜2. 榴槤裂口沒問題？

有些人很抗拒榴槤的外殼出現裂口，不過林生就覺得以現時天氣，再加上馬來西亞榴槤是樹上熟，有少量裂口實屬正常，如果是在比較企理的室內水果店，衛生條件良好就沒有問題。

榴槤揀法｜揀選貼士｜3. 揀選來源地

馬來西亞榴槤有分南馬或北馬榴槤，通常南馬的榴槤質素較佳。北馬地區因為種植管理較差，所以質素參差，不少出現生蟲、果肉濕、生蕃薯情況，品種越細問題越多。

榴槤揀法｜揀選貼士｜4. 嚴選售賣地點

林生指買榴槤要揀選合適的地方，如果是路邊的攤檔，很容易買到過熟的榴槤，「馬來西亞的榴槤是樹上熟的，本來已熟透，再在路邊夏天高溫下擺放，榴槤內部每秒都在發酵，很容易過熟令果肉變濕」。超市有冷氣是否就更佳？林生亦認為未必，超市沒有專人負責妥善看護榴槤，難以保存得很好。所以林生建議，應該到專門店或室內水果店購買榴槤，一來保存較好，二來又有專家幫忙挑選，買到靚榴槤的機會更高。