食客外賣新蒲崗名物窯燒雞表面包裝極細心拆開頓變「燒燶雞」網上嘆中伏反被指大話連篇？

更新時間：18:30 2024-07-10
發佈時間：18:30 2024-07-10

新蒲崗有不少隱世美食，其中最近爆紅的窯燒雞更被稱為「新蒲崗名物」，但卻有網民在購買後表示「中伏」？近日，有食客在社交平台發文，分享自己買了新蒲崗窯燒雞外賣。外賣的包裝精美，但是一打開卻與食客預料的「燒雞」有所不同，遂發文表示無奈，但卻被網友反指食客「講大話」？

外賣包裝極為細心拆開驚變「燒燶雞」

近日，有食客在Facebook群組「全港店舖消息(開張/執笠)關注組 (店舖/ 餐廳/ 零售/ 商場/ 小店/ 大集團/ 實體經濟)」發文，分享自己早前用$198買了新蒲崗窯燒雞外賣。外賣包裝精美，是一個「紅色招財貓」樣的保溫袋，裏面用膠碟放著燒雞。食客表示，自己當時并沒有看到燒雞的實物，沒有想到回家一打開，裏面竟然是一隻外皮焦黑如火炭的燒雞，「雞放靚袋中，都冇俾我睇，返屋企攞出來一睇，真係燒雞」。

網民不收貨反指食客講大話

有網民爆笑留言，「火場遇難雞，遺體已轉送富山殮房」、「天氣太熱，冇搽防曬」、「黑蟲露燒雞」、「唔怪之得花姐話handle 唔到啦」、「新菜式.....炭燒全燶雞」。但更多網民指食客大話連篇，「感覺似自己再翻熱，但過火了」、「作大唔駛本！買嗰陣你點解肯收貨？」、「我之前買個陣睇住佢拎出黎，放入盒，唔會係燒到咁都比人」、「上個月買，外賣兜係紙，燒得好靚好好味喎」、「留言一面倒，睇嚟取唔到暖喔！」。

但有未知是否事主之一回應網民，指購買當時看過雞背顔色正常，所以沒有理會，更指自己已經打電話給店家查詢，店家表示是當日爐火失控，導致燒焦，「你哋一面倒認為我自己整燶屈人哋你哋檢討下啦！點解你哋唔會話店家咁都俾人食咁無良」。