荃灣民豐糯米糍賣到入city'super！全新限定杏仁味+6口味set裝 每人限購1盒
更新時間：12:34 2024-07-12
發佈時間：12:34 2024-07-12
發佈時間：12:34 2024-07-12
字體大小
荃灣老字號民豐粉麵行的糯米糍出名皮薄爆餡，最近更熱爆本地及小紅書，尤其是近期推出的開心果口味，更獲「香港開心果關注組」高度推介，每日都吸引大量市民排隊購買，最少要排半小時至1小時以上才可買到，就算非荃灣街坊也要「山長水遠」撲入去一試！但有好消息，city'super日前就在facebook專頁分享，民豐粉麵行將會快閃5間門市，只限8天，並會推出期間限定杏仁味糯米糍及set裝，即睇以下快閃店詳情！
民豐糯米糍快閃city'super 推出全新限定杏仁味
點擊睇民豐city'super快閃店詳情︰
於1953年開業的民豐粉麵行，在荃灣扎根逾60年，是區內的老字號。店家原本主要售賣手工餃子、寧波湯圓、糭、茶粿、韮菜餅等食品，全部即做即賣，直至3月起售賣年宵限定的糯米糍卻意外爆紅，成為今日人人爭住排隊搶購的爆餡糯米糍！
糯米糍同樣是每日即場人手包製，經典的芝麻、花生、豆沙味每粒賣$6，而開心果、榛子及腰果等創新口味每粒賣$12，每日限量發售，售完即止。糯米糍因價錢親民，加上外皮軟綿綿及近乎滿瀉的爆餡，深受街坊和網民追捧，每日都引來長龍排隊購買，每人亦只限購兩打。
5間門市設快閃店
近日民豐更傳來好消息，將會殺入港九新界5間city'super開設期間限定快閃店！除了有包括人氣開心果、腰果等一盒6粒限定口味set裝外，還會推出city'super獨家限定的全新杏仁口味，民豐fans記得睇圖輯查看快閃店詳情！
資料及圖片來源︰city'super official page@facebook
延伸閱讀︰荃灣粉麵店熱賣爆餡糯米糍$6起 人龍太長要限購！ 1類人可免排隊 即睇最新限購安排
最Hit
胡楓喜逢第二春？到女方家中相聚獲連環獻吻 孝順女供養住山頂複式豪宅
2024-12-16 10:00
連鎖海鮮酒家超抵食早茶下午茶！菜乾豬骨粥/鹹魚肉餅飯/鮮竹卷一律$6.8 蟹籽燒賣/鮮蝦餃/切雞瀨粉$8.8起 網民驚嘆：去到咁盡
2024-12-16 16:23