網民熱議大班冰皮月餅生存之道！食足35年老本無新意？留言力撐：保持水準最重要

更新時間：12:25 2024-09-15
發佈時間：12:25 2024-09-15

臨近中秋，各大商家都紛紛推出各式各樣的月餅。若提到冰皮月餅，相信很多人都會想到大班，因為冰皮月餅正是該公司在35年前的1989年首創，因口味新奇，甫推出已俘虜了不少食客的心。時至今天，冰皮月餅仍是大班的鎮店名物，不過近日卻有網民在社交平台出帖，質疑大班冰皮月餅食足35年老本，似乎新意欠奉，惹來不少網民熱議。

網民熱議大班冰皮月餅「食老本」：咁多年都係一樣味道

近日有網民在連登討論區以「當年大班冰皮既創新，為業界打開左新氣象！但呢個老本的確已經食左35年喇！」為題發帖，暗示品牌新意欠奉，質問「仲可以食多幾多年？」

帖文旋即惹來網民熱議，有人認同樓主說法，認為大班近年的冰皮月餅確實欠缺新意及驚喜，「年年都話自己幾咁創新，但唔知新咗啲咩，啲廣告仲要又尷又老土。」、「咁多年都係一樣味道，又係咁既樣。放生果/雪糕入去就不如直接食生果/雪糕。」

網民：保持水準最重要

不過也有人認為創新未必是好事，能保持水準最重要，「就係咁多年都keep到綠豆蓉好味，放生果/雪糕入去同直接食生果/雪糕兩樣野喎。」、「佢個味道冇一間做到接近，仲講創新，大把食肆食老本做左幾廿年仲係賺大錢。」、「根本做生意唔係話創新先有運行，現實係佢只要保持水準同好食，唔創新都大把人買。」

大班首創冰涼口感月餅

事實上，提到冰皮月餅，不少人第一時間仍會想到大班，有人認為已很成功，「講起冰皮月餅你會諗起大班，呢樣野已經好成功。」說到大班冰皮月餅的歷史，可以追溯到1989年，當年由大班麵包西餅推出全球首創的「冰皮月餅」，其創新之處在於運用了該公司自行研發的生產技術，有別於傳統廣式月餅油膩及過甜等口味，冰皮月餅吃來口感冰涼清爽，甫推出即深受食客尤其是年輕一代歡迎，自此成為大班的招牌產品。其冰皮月餅口味也由早期的綠荳蓉，至後來的芒果、朱古力、焦糖及榴槤等等，選擇頗多樣化。

資料及圖片：連登討論區、星島圖片庫、大班官方網頁