美團外賣$21鮮油奶多 實物只得兩塊包？！店家列一原因堅拒退錢 港女直呼荒謬：水魚無誤！
更新時間：16:17 2024-10-18
發佈時間：16:17 2024-10-18
發佈時間：16:17 2024-10-18
字體大小
鮮油奶多作為茶餐廳名物，當中的靈魂必定就是烘底方包中間的厚牛油，不過最近就有港女叫美團外賣鮮油奶多時，實物竟然沒有牛油，只得兩塊包，港女見貨不對辦立即向店家反映，對方卻因一原因堅拒退錢，令港女直呼荒謬：「無鮮油我叫咩鮮油多呀？水魚無誤！」
美團外賣$21鮮油奶多 實物只得兩塊包？！
最近有網民於Threads上發文分享不快遭遇，指自己最近經外賣平台上向餐廳柯打了一份鮮油奶多，盛惠$21，怎料發現貨不對辦，從圖片可見，實物只得兩塊包，並沒有夾入牛油，樓主附上店家提供的食物圖片作比較，可見鮮油奶多應有約2公分厚度的牛油。樓主又補充牛油並不是溶化了，而是本來已經沒有附上。樓主隨即向店家反映，對方卻因一原因堅拒退錢，令港女直呼荒謬，無奈表示：「無鮮油我叫咩鮮油多呀？」店家原因詳見圖輯。
網民同情：又要被人買又做唔到畀人
樓主的經歷引起網民關注，不少網民留言撐樓主：「又要被人買又做唔到畀人。」、「外賣杯凍飲啲冰都會溶啦，有邊個餐廳會照收多你3蚊，但畀杯熱飲你？」、「咁就唔好上架啦！」
不過有人認為餐廳為保持質素不附牛油都是正常：「你諗下如果件牛油真係溶咗成份嘢會變成點？」、「有啲食物唔適合叫外賣，你都唔會叫雪糕外賣啦。」亦有人建議餐廳可提供盒仔牛油，便能避免溶化問題。
樓主隨即回應指：「其實我有叫過其他嘅鮮油多，一啲問題都無，嚟到仲係一舊厚嘅油多，所以我先叫，而我都預左有機會會溶，如果佢驚溶左影響質感，佢唔應該有呢個商品放係外賣餐單到」不過樓主後來亦刪除貼文，表示：「多謝大家嘅明白，呻完就算了，件事過咗去2個月，好難再追究。」
來源：Threads；文：M
延伸閱讀：石門小食店買雞蛋仔 盛惠$27驚覺是「空殼」 網民呻交智商稅 行內人分析2大原因導致空心
最Hit
《中年3》有猛人加入取代冠軍導師？與前TVB花旦一見鍾情 被爆30歲失身
2024-11-23 14:20
肺癌4期男被判剩2個月命 每天吃1湯1菜 癌細胞消失延命6年
2024-11-23 13:15
