深圳盒馬超市大閘蟹開賣！平到¥69/4隻？現場即蒸即食年年熱賣網民讚︰大隻過上次好多！

更新時間：13:00 2024-10-19
發佈時間：13:00 2024-10-19

港人愛北上掃平貨兼搵好嘢食，來到入秋大閘蟹當造的旺季，當然也要返深圳搵平靚正大閘蟹！去年有大批港人湧到深圳的「盒馬鮮生」超巿，瘋搶超抵價的陽澄湖大閘蟹，加上可以在現場即蒸即食，場面非常墟冚。而近日就有網民在社交平台分享，指盒馬超市已經開賣大閘蟹，最平¥69有4隻，更發現今年的蟹「比上次大隻咗好多」。即睇內文詳情！

深圳盒馬平靚正大閘蟹開賣去年吸引港人湧去瘋搶

點擊睇今年大閘蟹開賣情況︰

陽澄湖設養殖場大閘蟹低至¥69/4隻

中秋過後，又是食大閘蟹的好時機。去年吸引大批港人湧去深圳搶購大閘蟹的盒馬鮮生超市，亦都開始賣大閘蟹了！日前有網民在facebook群組「深圳吃喝玩樂資訊關注組」上發文，分享在皇庭廣場盒馬購買大閘蟹的體驗。場內賣的大閘蟹每隻約重115克至210克不等，售價最平低至¥69/4隻，亦有¥99/4隻、¥79/2隻及¥88/2隻等，比香港零售店便宜很多。

盒馬的大閘蟹主要是來自陽澄湖，並在江蘇、山東等大閘蟹主產區承包了8500畝養殖場，另外亦有來自山東、新疆阿勒泰、山東黃河口、湖北洪湖、湖南大通湖及江蘇大縱湖等地。大閘蟹會分價錢及產地整齊擺放在魚缸旁邊，任顧客挑選，職員亦會即時將蟹從水缸補上。現場設有即蒸服務及多個用餐位置，讓顧客可即買即蒸即食，非常方便。網民更大讚買到的大閘蟹「比上次大隻咗好多」，引來不少網民留言，大批網民都紛紛表示「好吸引！」。