對「男人的浪漫」太有要求？「奄尖」食客狠評佐敦豆腐火腩飯似隔夜飯/火腩唔脆口網民反批：大鄉里出城？

更新時間：17:17 2024-10-18
發佈時間：17:17 2024-10-18

豆腐火腩飯，「男人的浪漫」，茶餐廳這碟濃郁鹹香的碟頭飯，是不少男士解決三餐的選擇。不過有位網民似乎對豆腐火腩飯抱有一定要求，最近於網上發文狠評佐敦某茶記的豆腐火腩飯「貨不對辦」、「違反商品說明條例」，不但批評似隔夜飯，而且火腩「唔脆口」、「食落去一啲傳統燒肉味都無」不過卻遭網民反批：「大鄉里出城？」

「奄尖」食客狠評佐敦豆腐火腩飯似隔夜飯/火腩唔脆口

最近有網民於Facebook群組「香港茶餐廳及美食關注組」發文，指自己到佐敦一間連鎖茶餐廳點了豆腐火腩飯，不過卻令他大失所望，不但感覺似隔夜飯：「隔咗多日夜一樣唔新鮮」，而且最大問題出於火腩，他直指「火腩好似冇燒過，輕微脆口感覺都冇！」、「埋咗茨後輕微脆口亦都冇，好似淋曬嘅豬肉一樣皮光玉滑」樓主向經理反映，經理無奈回應，詳見圖輯。

「奄尖」食客狠評佐敦豆腐火腩飯網民反批：大鄉里出城？

事主的食評引起網民熱議，不少人反批事主「大鄉里出城」：「點違反商品說明條例？豆腐火腩飯有豆腐、有火腩、有飯，邊忽違反？豆腐火腩飯係脆嘅？你真係唔識㗎喎！」、「你都戇X嘅，豆腐火腩飯點樣脆口？」、「邊間餐廳用新鮮燒腩整豆腐火腩飯？」、「埋咗個芡仲要輕微脆口，請問你喺邊間食過呢？」、「火腩係燒肉先飛水乾淨去油，再煮過燜過埋咗茨汁，就算本身脆皮咁煮都會淋」、「要食新鮮脆皮香口肉、去食燒肉或燒腩仔，唔識就唔好出去食嘢！」、「好同意樓上所講，用嚟整得豆腐火腩飯嘅火腩，真係會畀新鮮燒好嘅落去整？」、「樓主可能剛剛睇完《黑白大廚》對食品有獨特嘅要求。」

亦有人留言力撐餐廳：「其實個飯賣相唔差」、「講真睇你幅相，舊火腩都幾靚仔！」、「有時遇上這些食客，又明白什麼叫做生意難做！」

來源：Facebook @ 香港茶餐廳及美食關注組；文：M