世界頂級魔術大師Franz Harary來港歎美食！網民野生捕獲同行海味街 即席示範懸浮魔術：影住都唔穿崩！
發佈時間：13:00 2024-11-21
香港有「美食天堂」的美譽，吸引不少海外旅客慕名前來品嘗高質的本土美食，最近就連世界頂級魔術大師都豎指大讚：「呢啲就係魔術！」近日，有網民在Facebook群組發文，稱早前自己「野生捕獲」世界頂級魔術師Franz Harary在香港大排檔用餐，Franz更即席表演懸浮魔術，令網民看後都讚嘆：「好勁，畀你影住都唔穿崩。」
網民光顧大排檔遇魔術大師 遊海味街即席表演懸浮魔術 網民驚訝：影住都唔穿崩！
據樓主透露，他上星期攜妻子及女兒出外吃飯，沒想到卻在大排檔「見到世界級魔術師Franz Harary」，他說當時妻子點了一客粟米肉粒飯，女兒則選了鹹魚雞粒飯。他又稱，其女兒面對魔術大師也毫不怯場，更展示香港人的好客之道，「（她）同Franz講咗show me your love飯（粟米肉粒飯）嘅典故，同埋教咗佢『做人如果無夢想同條鹹魚有咩分別呀！？』嘅廣東話。」
吃過飯後，樓主女兒更擔當起「導遊」，帶Franz往海味街參觀。然而好戲在後頭，當他們進入其中一家海味店時，Franz取起一件貨品，即席表演起懸浮魔術。據樓主拍攝的影片可見，該件貨品在Franz的兩手掌間懸浮，猶如被磁石吸附般，貨品會隨着Franz的手掌移動而轉動。此情此景讓樓主讚嘆不已：「真係食大排檔都有驚喜……」有網民看後也不讚Franz魔術了得，「好勁，畀你影住都唔穿崩！」。
Franz Harary大讚香港食物：「 呢啲係中式魔術呀！」
至於堂堂世界頂級魔術大師Franz Harary為何會在香港大排檔出現？原來Franz於12月將在香港有大型魔術演出，當天他是受主辦單位之邀，與另一位香港著名魔術師Albert Tam來大排檔拍片，大嘗香港本土美食。片中二人點選了多道本地菜式，包括宮保雞丁、宮保肉扒等，Franz邊嘗邊向Albert稱：「每次叫哩啲『鬼佬』鍾意嘅餸，我所有華人朋友都取笑我，但佢哋又第一時間夾番嚿食喎，咁對我嚟講，呢啲美食先係中式魔術呀！」更以不純正廣東話配搭鬼馬表情說：「香港啲嘢好好食呀！」看來Franz是真的很愛香港美食呢！
文：Aiko
資料及部分圖片：香港茶餐廳及美食關注組＠Facebook、網上圖片
延伸閱讀：新加坡大胃王Zermatt Neo挑戰柴灣新桂香7公斤燒味飯！最愛吃這款燒味？勁讚「人生吃過最好吃的！」
