太子站驚現一眼假「AEON特賣城」？！賣大量平價國貨零食/日用品 價錢牌揭真身！網民︰老細可能係永旺粉絲
發佈時間：13:02 2025-01-10
近年香港有不少「特賣城」出現，無論是賣電器、家品、日用品、零食或藥妝等，都離不開一個「平」字，想不到最近連「超市」都出現「特賣城」！日前有網民在社交平台討論區發文，表示在港鐵太子站附近發現一間似乎「一睇就知是假」的「AEON特賣城」，主要售賣零食、飲品、日用品及藥妝等，大部分是國產貨，售價亦比坊間便宜。帖文一出引來網民熱烈討論，質疑這間特賣城是否「山寨版」！即睇內文詳情。
AEON太子開「特賣城」賣平價國產零食/日用品？！
點擊睇太子「AEON特賣城」平貨+網民回應︰
山寨版「AEON特賣城」？！ 招牌與真版有分別
有網民日前在faceboook專頁「AEON Stores 關注組」上發文，表示在港鐵太子站旁邊發現一間「AEON特賣城」！店面招牌用上淺藍色底色，而「AEON特賣城」幾隻字則是深藍色配一個「特」logo，下面再有一行白色的「AEON SEPCIAL SALE CITY」英文字，與AEON一般用的紫紅色配白色及「AEON Stores」有分別。
網民續指「目測店內面積唔大」，店面擺放了零食飲品貨架，店內亦有多個貨架售賣食品、日用品、護理用品及藥妝等，走平價路線，例如有洽洽香瓜子（$13）、Kasugai魷魚/鮮蝦醬味花生（$12/包）、維他奶6包裝（$17）、維他菊花茶（$15）、可樂（$7/支）、鐵尺本館賀年朱古力（$25/包）、愛鄉親手撕棒麵包（$18）、大白兔奶糖（$18）等，亦有日本人氣手信雷神朱古力（$20/包）等。
平賣國貨零食/飲品/日用品 價錢牌揭真身
不過，這位網民亦發現大部分產品都是「mic」，即Made In China的國產貨，售價亦非常便宜，「呢個價錢普通超市都做唔到」，如「四罐裝味源$20蚊，平均$5/罐，同AEON周三價一樣」，加上貨品上「仔細睇價錢貼紙係叫永旺大藥妝」，而「太子地鐵站C1出口轉左就會見到永旺大藥妝」。
帖文一出，引來大批網民留言，質疑這間「AEON特賣城」是「「A貨eon」，並表示「Aeon logo用紅白㗎喎...」、「隻字體好肉酸吓」、「一定係大陸人開」。但有網民就揶揄「可能佢老細係永旺粉絲」、「有冇得儲分同用埋AEON禮券？」及「呢間野好快俾人告」。
資料來源︰AEON Stores 關注組@fb
延伸閱讀︰深圳肉肉大米攻港預期登陸沙田 被指為「山寨版」香港挽肉と米 原來都是來自日本？叙福樓CEO黃傑龍這樣回應！
