台灣「港式」煲仔飯激嬲香港網民？烹調方法惹爭議+缺1精髓遭狠批：意大利人見到菠蘿Pizza咁

更新時間：18:19 2025-02-11 HKT
發佈時間：18:19 2025-02-11 HKT

天氣寒冷時，不少港人都喜歡食熱騰騰的煲仔飯。不過，最近有網民在台北惠顧一間「港式茶餐廳」的煲仔飯，發文大讚「好好吃」，惟其煲仔飯的上菜方式及烹調手法，惹起一眾香港網民不滿，狠批缺一重要精髓之外，更形容感覺是：「意大利人見到菠蘿Pizza咁」。

台灣「港式」煲仔飯激嬲香港網民？烹調方法惹爭議+缺1精髓

該位網民在Threads的發文中表示：「台北道地港式茶餐廳，每一道都好好吃」，並上載了一段長達約22秒的短片。從片中開首的11秒中可見，甫開始先見到在枱上有一鍋「煲仔飯」，鍋中的白飯上有6個洞，有餐廳員工將醬汁倒入白飯，並將之跟白飯拌勻，之後再將臘腸、膶腸及蔥等放入飯中攪拌。點擊以上圖輯睇台灣「港式」煲仔飯激嬲香港網民詳情。

網民狠批：不是有個煲就是煲仔飯

帖文一出，隨即引來許多網民留言，當中很多都認為烹調煲仔飯的方法並非「港式」，表示「正宗的是不會這樣先分開臘味和白飯然後灑豉油」、「這是撈仔飯，不是煲仔飯」、「煲仔飯要飯跟食材一起煲，飯吸收食材的汁和香味才叫煲仔飯」及「不是有個煲就是煲仔飯……」，更有自稱香港人質疑餐廳做法，「作為香港人，看到那個飯，以及看到她下豉油的方式，就知不會『很好吃』」，甚至網民坦言，「終於明白意大利人見到pizza上面有菠蘿嘅感覺了」。另有網民則覺得欠缺煲仔飯的「精髓」，「無飯焦嘅非砂煲」及「還要有鍋巴」。

另一方面，亦有網民持不同意見，「臘腸煲完之後拎出嚟切係正常做法，段片skip咗拎出嚟嗰幕啫」、「中間有兩條腸訓係度嘅痕跡，其餘六個窿我估三條腸對半切插入去，點解咁做唔知道可能各司各法呱，跟住d腸攞起黎切好另上可以賣貴d？要數就係冇飯焦同d蒜太生，呢間吃過兩三次其實味道唔差。 ps:呢間唔係茶記」

文：金三珣　圖：Threads@eden_0522