發桃膠變災難？不受控增生「兩碗變鐵盤」大量網民中伏：越生越多好恐怖

飲食

更新時間：09:00 2025-02-24 HKT
發佈時間：09:00 2025-02-24 HKT

桃膠是一種健康美食，近年因高纖特性和美容功效而備受追捧，被譽為「平民燕窩」。然而，近日一名港男在家中誤浸桃膠卻引發「災難性事件」，由原本計劃的泡一小碗，意外膨脹成兩大碗，甚至需要動用大鐵盤存放，引發網友熱議。

桃膠浸發無限膨脹港男哀號「點樣先可以食哂」

點擊睇港男浸桃膠過程：

桃膠是一種由桃樹分泌的天然樹脂，外表晶瑩剔透仿如水晶，烹煮前需要浸發變軟，才可食用。雖然煮法簡單，但份量的控制卻不易掌握。近日就有港男於社交平台「Threads」上發文「緊急求助」，指他在某晚嘗試泡發桃膠，卻錯誤地以為桃膠與西米相近，於是「落咗半包」進行浸泡。隨著時間推移，他驚訝地發現桃膠不斷膨脹，「一碗變兩碗，兩碗變鐵盤」，無奈之下只好上網求助「點樣先可以食晒」。

大量網民中伏「應該按人頭以粒計」

港男的帖文引來大批網友留言，分享類似經歷，「我喺 ig 見過 1 個媽咪叫佢嗰女發桃膠，人頭 1 粒，嗰女冇聽，佢哋食咗 3 日」、「我曾經煮過一碗，因為一開始好杰，之後加咗水，加下加下，啲桃膠又發脹，食咗幾轉都未食得曬，食極都仲有」、「我媽煲過一次，浸出嚟隻煲都唔夠大，要去車我阿婆端午節烚糉既大窩（鍋）返嚟」。

有網友幽默地指出，桃膠的膨脹能力會「越生越多好恐怖」，戲言「我真心覺得走難時必備食物之一」、「當水晶寶寶養」。有網友建議事主將多餘的桃膠分裝冷凍，「放入冰格，下次解凍再煮」，以免浪費；亦有不少網友建議，下次再煮桃膠應「按人頭計」，預算每人一至三粒的份量為佳。