港超｜香港足球先生殺入娛樂圈？陳𦘦鈞同Jer各入3球

更新時間：17:31 2024-10-26
發佈時間：17:31 2024-10-26

香港足球先生陳肇鈞殺入DJ界？商業電台為宣傳11月23日的《903 AllStar 籃球賽》，周五（10月25日）舉行《903 AllStar 足球賽》，結果由林海峰率領、有香港足球先生陳肇鈞助陣的「903人隊」以7:4贏由陳健安及洪嘉豪擔任隊長的「歌星勇士隊」。陳肇鈞在今次友賽中攻入3球，這位大埔港將笑說今次活動認識不少新朋友，希望令外界多個渠道留意到本地波，甚至入場支持本地足球比賽。

今次友賽為60分鐘，上、下半場各30分鐘，陳健安及洪嘉豪率領「歌星勇士隊」隊員，包括Jer、AK江𤒹生、ERROR成員肥仔(梁業)和保錡、ROVER成員卓金樂(Kim)、周殷廷、胡子彤、泰倫斯、黎展峯、應智越和CotaBoii，「903人隊」隊長為林海峰，隊員包括超級外援陳肇鈞、傑朱、余德丞、黃志淙、Jeff、German、Woody、Kelvin、Alfred和Marco。另外，鄭裕玲(Do 姐)亦有現身支持。

陳肇鈞今場大演帽子戲法，令到在場球迷嘩嘩大叫，歌星隊也有Jer柳應廷攻入3球，「903人隊」最後由林海峰埋齋贏7:4完場。

陳肇鈞賽後表示，今次活動玩得非常過癮自己都係被邀請好開心好興奮，可以見到啲老朋友之餘，認識到一些新的娛樂圈朋友。

近期陳肇鈞參加不同類型活動，包括親手策劃Charitee Project 賣Tee籌款，他說希望借此令本地足球員曝光渠道增加，長遠增加本地賽事的入場人數。問及今次和電台合作，是否想吸引電台客仔入場睇波？陳肇鈞說：「我覺得冇話特別要引咩球迷注意，或者唔係話特別要電台嘅朋友知道，只不過係想全部人都開始留意返大埔這支足球隊。」

大埔於周六晚上6時30分將在旺角場出擊，在銀牌8強賽事迎戰傑志。

記者吳家祺