尖沙咀夜市驚現20蚊4粒燒賣檔主親解3大貴價理由「我賣嘅係xxx，燒賣係陪襯」

更新時間：16:06 2023-09-24
發佈時間：16:06 2023-09-24

近日人人講香港夜經濟，星光大道與K11 MUSEA就率先合作舉辦尖沙咀文化海濱市集「星光夜市 Night Market by The Sea」。市集有音樂表演，有手作攤檔，當然不少得飲品小食。不過其中一檔小食檔就引起不少輿論，檔口所賣的燒賣$20只得4粒，成為各大網上討論區熱話，令小食檔檔主都忍不住要為定價親自解畫。

星光大道夜市$20蚊4粒燒賣網民大呻「吸血鬼賺錢」

K11 MUSEA與星光大道合辦的尖沙咀市集有不少小食攤位，有各式啤酒、特飲、燒賣、德國腸等小食。當中最多人討論的是一檔名為「香料案內所」的攤檔，攤檔售賣魚肉或豬肉燒賣，單一口味 $20／4粒，雙併要 $25／4粒，這個價錢在網上各大討論區引起熱烈討論。

檔主詳細解析燒賣貴價理由：

有不少網民認為價錢離地，覺得「物非所值」、「搵人笨」，大呻「我就係食唔起囉」、「點解平時有$8六粒唔食要夜媽媽專登走去食呢」、「落樓下7仔$11/10粒燒賣啦，我啲窮鬼食唔起$20/4粒」、「冇生意又賴人上深圳唔留港消費囉」。更有網民狠批店舖是「吸血鬼賺錢」、「咁樣做生意好快摺埋」。

燒賣檔主：「係香港做生意冇返咁ＸＸ都做唔到」

熱烈討論亦引起檔主注意，「香料案內所」昨日就在官方專頁圖文並茂親自解畫。檔主以３大論調回應，包括已兩年未加價、售賣的重點是自家製辣油不是燒賣，以及貴平只是主觀感受（詳見上文圖輯）。回應一出引來更多人討論，對於網友的留言，不論是否支持，檔主亦幾乎逐一回覆。有人留言罵檔主「onｘｘ」，檔主亦回應「係香港做生意真係冇返咁onＸ都做唔到」。對於有網民留言想試，店主則指下星期會到堅尼地城卑路乍灣海傍開檔，邀請網民來幫襯，「歡迎過嚟搵我哋，想試幾辣都得，包保辣到開花」，更揚言如果自備食物可以免費試辣油，「自備食物嚟試仲抵！免費呀」。

7-11「抽水」推$28燒賣撈麵加奶茶優惠

燒賣話題鬧得熱哄哄，一向有賣魚蛋燒賣的 7-Eleven 就不執輸立刻「抽水」宣傳，即日在 IG story 貼出一張燒賣相片，指「一次食４粒點夠喉呀？梗係食 10粒先夠啦！」，獲一眾網民大讚。7仔亦乘勝追擊，借機宣傳自家小食檔的新款口味，港式燒賣以全新配方研製，可加配全新推出的蔥香豉油及惹味有渣辣椒油；沙爹魚蛋則採用全新獨家沙爹醬，醬料以超過 3小時工序淆製，有濃濃的鹹鮮味及花生香。即日起至10月10日，7-11 推出期間限定「秘撈餐」，$28 有 5 粒燒賣、港式熱奶茶及一份撈麵，更可賺 7 倍yuu積分，非常抵食。