Juicy叮｜酒樓飲茶唔飲第一壺網民熱議一大用途及洗茶葉原因

更新時間：15:36 2022-11-13
發佈時間：15:36 2022-11-13

不少人喜歡到酒樓飲茶。有網民日前在網上發文，提到有賣茶葉的朋友每次到酒樓飲茶時，會倒光第一壺茶，因此好奇詢問「其實啲茶葉係咪真係咁污糟呢？」相關帖文隨即引起熱議，並列出第一壺茶的一般用途及需要洗茶葉原因。

該名網民日前在親子王國討論區以「去酒樓飲茶你哋會洗茶葉嗎？」為題發文，提到有賣茶葉的朋友到酒樓飲茶時，「每次都一定會將第一壺沖出嚟嘅茶倒晒」，若遇到酒樓提供的倒水碗不夠大，「要自己攞去倒」，並指部分酒樓會提供茶包，「冲得一兩壺都已經淡晒」，好奇詢問「其實啲茶葉係咪真係咁污糟呢？」

樓主指，賣茶葉的朋友每次到酒樓飲茶時，亦會倒光第一壺荼。資料圖片

相關帖文隨即引起熱議，不少人亦表示有洗茶葉的習慣，「係，第一壺啲水不要」、「我有呀！」、「我係，第一壺不要」、「會！細時同父母去飲茶佢哋都會咁做！」等，有人則指「我曾經見過有侍應將第1泡倒1次」、「唔係茶樓問題，只要係自己攞茶葉沖都會，屋企都會」。

有人則解釋指，「茶葉好多塵，仲有農藥，頭一壺水唔要，一定要洗下先」、「習慣會洗杯碗筷子，會用茶嚟洗，一嚟如果佢洗得唔乾淨，茶可以去油，二嚟可以順便唔要第1泡，喺屋企自己沖都會唔要第1泡」、「第一壺茶用嚟洗碗洗筷子」、「頭浸茶會唔要，用來洗碗杯碟」、「一定用來洗碗、洗杯、洗筷子先，多年前學過茶藝，第一泡洗茶杯」等。

另有人則指出，「通常用茶洗枱面餐具，順便洗埋茶，酒樓訂茶葉，係一堆咁訂返嚟，見過放喺地上半個人咁高，期間有冇鼠蟻小強就天知」、「茶葉唔會專登洗，老實講出街食飯一定污糟，再講啲食物例如菜嗰啲酒樓邊得閒同你洗，啲食材跌咗落地咪又執返起唔會掉或沖一沖」。

帖文來源：親子王國

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY