Juicy叮｜買樓自住慘變負資產港男呻：「日日咁辛苦返工變做義工」

更新時間：13:15 2022-12-28
發佈時間：15:23 2022-12-28

樓價持續下跌。一名20多歲的港男在網上發文，大呻剛買樓自住不久，但銀行估價在最近2個月已大跌100萬元，直言「突然變咗負資產」，並指「日日咁辛苦返工變咗做義工」。

請點擊組圖瀏覽：

該名港男日前在連登討論區以「突然變咗負資產」為題發文，提到自己20多歲，因為家庭問題而搬走，「層樓買咗無耐，呢兩個月銀行估價插咗100萬」，並提到「雖然係自住，但係都好傷」，並直言「日日咁辛苦返工變咗做義工」。他指，「當初租樓要14K（1.4萬港元），供樓都係20K（2萬港元）」，於是選擇買樓，現時卻甚為後悔，並指「估唔到我咁努力靠自己，結果同躺平嘅人一樣，得個吉，並指「早知畢完業唔返工排公屋」。

有網民認為樓主不需太擔心，並指「自住唔驚」、「好快升返」、「過多二三十年會慢慢升返」、「銀行估價唔駛當真」、「我都係咁嘅情況，不過算啦，你一日唔放都未叫輸錢。樓市唔係睇短線嘅就唔好諗咁多喇，有錢既咪入多個單位囉，咁低水」、「唔洗灰心，樓市唔會一直都係呢個水位」等。有人則指，「2X歲可以買樓，有料」，亦有人分享指，「我個朋友上年尾買，供萬6幾，今年加息期，供多3000幾；叫緊救命同跳樓；我安慰：合埋眼又一日㗎喇」等。

帖文來源：連登討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ