Juicy叮｜港媽呻三家人去飲茶為一壺茶鬧交 反被批唔識做人
發佈時間：12:15 2023-01-01
不少人喜歡與親戚朋友一同飲茶，但有港媽在網上發文分享飲茶的不愉快經歷，並指三家人為了一壺茶而發生爭執。相關帖文隨後引起熱議，有人對樓主的經歷表示同情，亦有人批評她的行為。
該名港媽日前在香港討論區以「三家人去飲茶，為咗開咩茶嘈一大餐」為題發文，提到在結婚後第一次「奶奶同我屋企一齊出去飲茶」，並提到自己從小到大與家人飲茶時亦會叫普洱及滾水，甚少要求水仙及香片等，「因為我阿爸唔鍾意陣味」。她指，自己與丈夫當時較早到達酒樓，因此先行「攞位」，並叫了普洱及滾水。直到奶奶到場後看到桌上只有普洱，「問我做乜唔叫水仙嘅？」她則回答，「我答佢我屋企人唔飲水仙我就冇叫，加上你個仔都冇話要叫水仙畀你飲」，奶奶在聞言後隨即「黑面」，並指「水仙先好飲普洱又濃又苦」。
請點擊組圖瀏覽：
樓主指，奶奶隨後一直「依依哦哦」，而且在自己的家人到場後當面表示「我嫁咗人就應該理奶奶多過自己屋企人，唔應該只係顧住自己屋企人唔理個奶奶喜好」。樓主續指，母親在一怒之下隨即反駁指「唔啱飲咪開多壺茶囉，好大件事咩」，並指最終在還未叫點心時已經「為咗壺茶嘈一餐」，並指「附近仲要有好多花生友望住我真係覺得勁樣衰」。她不禁大呻「以後一齊去飲茶我係絕對唔會叫茶，一係就叫到成枱都係茶唔洗煩」。
相關新聞：
Juicy叮｜酒樓飲茶唔飲第一壺 網民熱議一大用途及洗茶葉原因：https://bit.ly/3jFSWuY
Juicy叮｜港男呻女友點1籠灌湯餃 未來老爺以為漏單被打斷：只預我的：https://bit.ly/3CfIJvT
相關帖文隨即引起熱議，部分人對樓主的經歷表示同情，並指「唔怕啦，10個有9個半奶奶都係咁」、「點解奶奶咁中意挑剔，真係好唔明」。
不過，大部分人則批評樓主的言行，並指「我覺得樓主唔啱，應該問奶奶飲咩茶，基本禮貌都唔識。叫多幾種茶有咩問題」、「你咁答都係等於撩交嗌，而且重點係開多壺茶好難? 我覺得你唔係好識人情世故囉」、「第一日飲茶咩！人哋中意飲乜嘢茶咪叫伙計開囉，將小事化大，真on X，唔識就人仲埋上網嘈」、「似樓主撩交嗌先喎」、「唔知就要問，我屋企人唔飲就唔叫咪即係自私囉」、「樓主堅蠢唔係扮，三家人飲茶都唔識叫伙記開多兩壼茶，X咗仲好意上嚟開post，第一次出街飲茶」、「港女真係無得救自私，唔識做人」、「應該係你處理得唔好」、「新抱講嘢有骨，奶奶又唔係大量既人，實吵啦」等。
有人則直言，「為壺茶，個心有條刺，以後都襯家兩免，咪辛苦左啲細路，何苦呢」、「其實嘈唔一定係為咗壺茶，而係怪你呢個做新抱嘅唔夠細心！」等。
帖文來源：香港討論區
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
