掟彩虹擲界？！Namco出動「封牌」兼大電視判斷網民讚贏冒險樂園︰堅過英超VAR

更新時間：13:42 2024-07-01
發佈時間：13:42 2024-07-01

「掟彩虹」是不少港人的童年回憶，甚至時至今日仍有人熱愛這款室內遊樂場常設的攤位遊戲，不過其賽果經常會引起爭議。近日，有位網民就在facebook 上傳一段影片，分享在大圍圍方Namco分店掟彩虹時，員工對於賽果判斷的專業程度令他大為欣賞，不禁大讚「堅過英超VAR」！

Namco出動膠盅「封牌」兼大電視判斷掟彩虹有冇擲界

點擊睇Namco員工專業判斷掟彩虹遊戲詳情：

從日前網民上載的影片中可見，有顧客玩掟彩虹遊戲時，將銀仔掟中藍色內圈內，未知有冇擲界。負責遊戲的職員見狀，隨即暫停遊戲，並以透明膠盅蓋著中獎位置，尤如賭場「封牌」一樣。隨即再開啟電視，以一部駁住旁邊大電視的cam 將中獎位置放大。整個過程超級認真，雖然最終按大電視顯示，銀仔的確擲界冇中獎，但這種專業裁決精神不禁令網民在facebook發文大讚，指「Namco的封牌上訴，真係堅過英超VAR！」

網民對比美國冒險樂園：真係好專業

帖文一出，隨即在網上引來熱議。有許多網民看過片段後，紛紛大讚員工的專業判斷。有網民笑言「真係第一次見」、「差啲以為係骰盅，以為佢cup咗落去之後會起勢咁搖」、「我個腦係咁響起...中底界，中頂界...繼續努力...真係好專業」及「勁過人地睇角球」。有網民就將Namco與美國冒險樂園對比，大讚Namco「夠公道」、「起碼好過冒險XX」，但亦有網民指：「其實廿年前冒險樂園都已經咁做，當時大埔中心舊鋪已經有用cam直駁電視」。

資料來源︰facebook

延伸閱讀：冒險樂園擲彩虹神手女童擲幣垂直中圈！網民因1原因質疑：一樣唔賠