暖心九巴員工落雨天幫客擔遮上車！上車會講「拜拜！聽日見」網民認出「唔係第一次」激讚好有愛

更新時間：17:09 2024-08-19
發佈時間：17:09 2024-08-19

最近天氣麻麻，周不時在朝早返工時份都會落大雨，甚至發出黃色暴雨警告信號，令不少打工仔頗為狼狽！日前有段影片在社交平台Threads上流傳，有市民「捕獲」一位九巴員工為正上巴士的乘客擔遮，以免被雨淋濕，非常貼心！網民均大讚這位九巴哥哥「好有愛」、「可唔可以寫讚揚信畀佢？」，更有網民認出這位暖心哥哥「唔係第一次」幫市民擔遮，絕對值得「加人工」。

網民「捕獲」九巴員工幫客擔遮激讚好有愛︰唔係第一次

點擊睇九巴員工暖心行為+網民表揚︰

最近在社交平台Threads流傳的一段短片，是攝於科學園的272K巴士站。在片段中可見，有輛駛往大學站的272K巴士剛埋站，有大批乘客排隊上車，但當時正下著大雨，有位架著眼鏡、穿著反光背心的九巴職員哥哥，就站在車門上車處為乘客擔遮，方便他們收遮上車及避免淋濕。

不少網民看到片段後都紛紛留言大讚這位暖心九巴職員，表示「巴士站哥哥好有愛」、「感覺很好服務」、「好sweet」、「我會想請到呢d員工，對份工有熱誠，有要求」、「真係要加人工，乘客真係要好多謝呢位巴士員工」，甚至有人說「可唔可以寫讚揚信畀佢？」。

暖心行為網民大讚︰星期五會講星一再見！

有網民更認得片段中的這位九巴哥哥，其實並非「第一次」幫乘客擔遮，指曾經在其他站頭遇過他。「我喺大老山轉車站都有好多次遇過呢個小哥哥，我認得肯定係同一個人，佢好盡責㗎，當某架巴士就快到，就跑定上來叫定排緊隊嘅乘客準備上車，仲好肉緊咁叫下層乘客行入啲…九巴高管呀，你哋執到寶喇！」、「上次我等嗰架城巴走咗，佢前後講咗三次叫我搭佢哋公司部巴士走，幫九巴搵返單生意」、「佢會個個say byebye，星期五晚會講星期一再見！有時佢認得乘客無坐幾日會講好耐冇見！」。