Juicy叮｜炫富港女搭「霸王的」 扮哭大鬧：我每個月搭萬幾蚊的士
發佈時間：18:52 2022-11-12
有的士司機今日（12日）分享車cam影片，指今早遇上搭「霸王的」女子，女子不單未有付款，還誣捏他脅持、非禮甚至強姦，最後的士司機報警，警員到場，該女子更狀似哭泣，誇口炫富表示：「我每個月搭萬幾蚊的士，無一個的士台唔識我。」
【點擊即睇｜港女炫富式搭「霸王的」事件簿↓↓↓↓】
該條影片長近7分鐘，影片顯示事發時間為今日（12日）早上8時許。在影片開頭，該女子向的士司機表示：「你唔好玩我啦，好唔好。」司機即回應：「我無玩你，你自己清醒回吓帶先啦，睇吓自己做過啲乜先啦。」「我問你攞錢，你無畀錢我，我唔報警，點玩你，又話我非禮，又話我強姦，又話我脅持，咁樣叫我玩你，依家報咗警，唔緊要啦。」
女子聽到報警後仍氣定神閒地表示：「唔緊要啦，慢慢等。」的士司機這時又表示：「你無錢畀我，話返屋企，咁我邊到搵你。」
影片下半部分見到警員到來，女子態度一百八十度轉變，以哭泣的神情和聲線向警員表示：「我每一日都call， 每一個月係搭一萬的士，你可以搵邊個叫做黎小姐，無任何一個的士台唔識我，係呢一個的士司機......」「我好多錢呀，我喺成個的士司機、成個台，無一個台唔識我。」「我一個月搭萬幾蚊的士......我一個月搭萬幾蚊，我有固定職業，我係今日先撞正呢個瘟神，我真係日日都搭的士。」
其後該女子父親到場付車資，一名女警向女子表示：「認真認真，香港好多的士司機，佢唔認識你好正常，佢唔會查每個客坐萬幾蚊的士。」女警這時叫女子父親付車資，該女子即反問：「吓，仲要畀錢佢？」女警即謂：「你都未畀車資。」女警陪著該女子下車，女子即收起可憐神態，以粗口咒罵司機。
【點擊即睇｜網民妙論港女炫富式搭「霸王的」↓↓↓↓】
網民們均批評該女子拒付車資，還扮可憐，其中女子一句「每個月搭萬幾蚊的士」更成為嘲諷話題：「我每個月夠食幾百萬粒米啦，唔通我買米又唔洗比錢呀？」「好再有片！呢個咁嘅女人真係好演技，全城認得出佢個樣。」「黎小姐，宜家唔係全港的士台......係全香港都識得您啦！」「一見差人就喊，影后。」「師姐講得好正確，全世界人冇責任要認識你。」「今次之後真係個個的士佬都識你。」「阿sir強忍著笑，總要要有同理心配合返佢。」
影片來源：車Cam特警
【同場加映｜寶馬超跑泊鴨寮街 車牌「炫富」被圍 網民揭下場超慘↓↓↓↓】
有黑色寶馬超級跑車日前停泊在深水埗鴨寮街，由於車牌「炫富」惹來大批市民圍觀，有網民追蹤該寶馬下落，發現該超跑其後下場超慘，惹來網民熱議。
詳情瀏覽：Juicy叮｜寶馬超跑泊鴨寮街 車牌「炫富」被圍 網民揭下場超慘 https://bit.ly/3tnfkL4
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
