Juicy叮｜晾衣架曬臘肉鹹香陣陣 網民狂轟自私：豬油滴到成牆都係
更新時間：18:14 2022-12-09
發佈時間：10:31 2022-12-09
發佈時間：10:31 2022-12-09
字體大小
曬臘味，在城市中會形成獨特別的風景，也有特別的風味。有網民日前上載一幀攝於公營房屋窗外，晾衣架上曬逾20條臘肉的相片，見到油香滿溢鹹香陣陣，網友都格外關心起樓下的住戶來。
現場情況及網民回應請點擊組圖瀏覽：
上載相片的網民留言「秋風起！曬臘味！住你樓下嗰啲多得你唔少，啲豬油滴到成個外牆都係~~阿媽點解啲衫褲有臘肉味嘅」。
相片在不同的社交網站facebook專頁流傳，回應的網民即時發現「圖中見到個簷篷接收咗唔少油」，批評做法「自私」，「要曬臘肉都要搵嘢放係底」，擔心「樓上掉煙頭落嚟可能會變火種」，並反問「佢係咪當自己鄉下呀，乜嘢都可以曬？」。
另有滿腔怒氣的網民指「怕惹老鼠曱甴，要向樓上噴殺蟲水」、「對呢類樓上，好簡單，警告不理就買殺蟲水呀、漂白水呀，加白油漆向上噴-白油漆是告訴樓上我已加料避免佢食」。
相關新聞：
Juicy叮｜底褲胸圍一抽二褦 網民：「接龍晾衣」直落掛唔會遮住隻窗：https://bit.ly/3HohSRw
Juicy叮｜樓上衣物「尾巴」有礙觀瞻 戶主「衣夾傳書」網民湧出獻計：https://bit.ly/3VsnsGP
對於曬臘肉，另有好奇的網民指「會唔會有大鳥偷食？」、「掛出街，好大塵」。不過，有網友回應指不怕大塵，因「臘味通常會飛水唔驚」。
下月（2023年1月）底便是農曆新年，另有網民估計「下個月整好多底蘿蔔糕，曬定先」，並指「都未掛臘鴨！」。更有網民跟風「我又曬」，亮出窗外曬鹹魚的照片。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
