將軍澳厚德邨再現神秘符號 街坊憂踩線 網民唔驚老爆竟驚老笠？｜Juicy叮
更新時間：14:02 2023-10-14
發佈時間：14:02 2023-10-14
發佈時間：14:02 2023-10-14
字體大小
居所附近出現神秘符號，住戶不其然擔心是賊人的爆竊標記，恐單位已成爆格目標。雖然並非年近歲晚，但有將軍澳厚德邨街坊近日發現德富樓走廊出現可疑交叉，立即如驚弓之鳥，亮起紅燈提高警覺。
將軍澳厚德邨神秘符號逐張睇 ＋ 網民人人自危回應↓↓↓↓
網民：試下加多兩筆
樓主早前在與將軍澳事項有關的facebook專頁發帖，附圖指「琴日都冇，今日出現嘅符號，是否傳說中嘅踩線，走廊影的，厚德邨」。回應的網民指「似係打個交叉」，並跳皮地建議「你試下加多兩筆」、「如果打咁大個交差踩線，我相信佢都係豬隊友嚟」。
網民：唔通打劫部𨋢
還有人指「今時今日仲用記號去老爆？你嘅懷疑合理嘅，小心都唔係一日。鎖好門窗都唔係今日先要做。老爆唔驚呀……不如驚老笠多D」。另有人認得打暗號的位置，笑言「明顯係𨋢口大堂鋁窗位嚟，唔通打劫部𨋢？」。
將軍澳厚德邨神秘符號逐張睇 ＋ 網民人人自危回應↓↓↓↓
物管：標記等維修
樓主在回應網民時透露「去咗物業署果邊講咗聲佢地聽」，接著在帖文補充新消息：「更新：物管打嚟話呢度有嘢需要維修，所以MARK（標記）個MARKER係度等維修，雖然我唔知有咩需要維修就是了，之前走廊嘅燈壞咗，報咗接近一年先整......」。
網民於是回應「係咪代表窗台滲水要補玻璃膠？」、「『X』附近睇落似有滲水，而下面好大條裂痕喎～」、「既然物管都覆咗話係因為呢度有嘢要整所以畫個記號喺度，咁就唔好搞佢喇，如果唔係，負責維修嘅工作人員整錯嘢，都係住戶受影響」。
將軍澳厚德邨神秘符號逐張睇 ＋ 網民人人自危回應↓↓↓↓
厚德邨50單位留符號 踩線疑雲
2021年4月，厚德邨50多個單位門外發現被塗上神秘藍色記號，當時有區議員提醒住客小心。事情發生於德澤樓，大廈多達50個單位的門外被人畫上神秘符號，該批用藍色筆畫上的符號，主要以線條組成，部分是一條線、倒L形及十字形，大都畫在門鈴上方，瓷磚與瓷磚間的石灰位。住戶人心惶惶，擔憂是匪徒踩線留下的記號。
踩線相關新聞：
大埔居屋驚現兇悍「踩線」二人組 企鐵閘半小時研爆格 疑專攻「呢類」單位
大埔居屋驚現兇悍「踩線」二人組 企鐵閘半小時研爆格 疑專攻「呢類」單位
門外驚見神秘剔號恐賊人踩線 網民10招反擊
門外驚見神秘剔號恐賊人踩線 網民10招反擊
疑似賊人「踩線」新招？唐樓鐵閘放粒糖惹熱議
疑似賊人「踩線」新招？唐樓鐵閘放粒糖惹熱議
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最Hit
