33歲四川女舉牌徵婚 網民拜服敢愛敢做：直接落深水埗搵真愛｜Juicy叮
發佈時間：10:46 2024-02-03
一名盤起秀髮的黑衣女子，早前在鴨寮街當街舉起紙皮徵婚，微笑倚在深水埗港鐵站出入口旁靜候良緣。
勇敢行為獲網民拜服，形容是「直接落深水埗搵真愛」；而一名自稱從未拍拖（A0）的52歲男網民心急留言：「幫我留一留佢，放工即刻飛的過嚟......」。
女子鴨寮街舉牌徵婚逐張睇↓↓↓↓＋ 網民打雀咁眼回應↓↓↓↓
樓主早前以「鴨寮街有四川妹征婚」為題，將相片上載至「連登討論區」。由於涉及終身大事，網民即時醒神過來，打雀咁眼𥄫實，並細讀徵婚啟事上的弱弱字跡。
網民打雀咁眼細讀徵婚啟事
女子以簡體字大字寫著「佂婚」（正字應為征），接著作出自我介紹——「本人90年（33歲），四川人，有一女（6歲），離異單身」，左上角疑似留下手機號碼作聯絡。
女子鴨寮街舉牌徵婚逐張睇↓↓↓↓＋ 網民打雀咁眼回應↓↓↓↓
網民評頭品足徵婚女
徵婚女敢愛敢做，有網民不禁感嘆「交友app都唔使玩了，直接落深水埗搵真愛」。
其他網民則對徵婚女評頭品足。由於對方聲稱來自四川省，有人指「細細個就聽人講，四川妹好靚」，但有聲音卻認為相中女子似乎「太有自信」，並帶點尖酸地談論其歲數。
女子鴨寮街舉牌徵婚逐張睇↓↓↓↓＋ 網民打雀咁眼回應↓↓↓↓
網民：都幾老實有一女
針對徵婚啟事的內容，網民稱讚「都幾老實有一女」，形容這宗徵婚可算是「買大送女」，有人卻老實不客氣地表示「我要個女得啦」。
另有網民將「征」字看成「出征」或「征服」的意思，問「『征』婚想強佔邊個？」、「征婚係咪佢打贏我就要娶佢？」。
女子鴨寮街舉牌徵婚逐張睇↓↓↓↓＋ 網民打雀咁眼回應↓↓↓↓
網民疑玩真心話大冒險輸咗
網民對女子的街頭徵婚行為多少帶點抗拒，估計可能是「玩真心話大冒險輸咗」，建議「正正經經去屯門跳舞啦」，更有人響警鐘提醒「可能有單身阿伯上當」，但要留意「分分鐘只係假結婚，我澳門有個親戚都係咁，無啦啦同咗個大陸人結婚，之後原來我親戚收咗對方十萬蚊同佢假結婚」。
中年漢心急：幫我留一留佢
各花入各眼，有網民似乎相當心急地留言，指「樓主唔該幫我留一留佢，放工即刻飛的過嚟，各位唔好同我爭，小弟52（歲）A0（未拍過拖）」，但有網民稱「頭先有個呀叔嚟認咗頭，一齊行咗去茶記」。
當街舉牌相關新聞：
深水埗長髮女當街舉牌 附重酬$XXX 招腦友助買機 好心真係有錢賺？
旺角阿伯舉牌尋41年前邂逅少女 晒百字情書感動網民 當年因一事未有發展
紅衣女當街舉牌尋經手嫖客：你要當爸了 網民狐疑：竟自認妓女？
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
