B仔嘴唇流血紅腫港媽CCTV驚揭外傭湊B「咁離譜」出Po求助：有冇得告虐兒？｜Juicy叮

時事熱話

更新時間：06:51 2024-09-23
發佈時間：06:51 2024-09-23

有港媽似乎所託非人，早前在facebook群組「聘請工人姐姐關注組」上載兩條天眼短片，大呻「呢個工人姐姐已經多次整親我個仔，除咗呢2次有幾次都係跌親個頭，有次仲撞到嘴唇流（血）腫晒」，發帖求助問有冇得告虐兒。

論盡外傭連環跌B逐張睇↓↓↓↓

膠兜撞頭 B仔墮凳

第一條天眼短片長約14秒，樓主港媽指攝於9月20日，片中一名貌似年青的外傭帶著少主人工同做家務，伸手拿膠兜時已疑似不慎撞到B仔頭部。

接著才是戲肉，B仔站著的膠凳椅腳開始傾斜，越斜越多，B仔無助地扶著櫃邊卻仍然倒地。待得外傭扶起B仔時，整張膠凳已翻轉，四腳朝天。

論盡外傭連環跌B逐張睇↓↓↓↓

推凳連人帶B人仰馬翻

另一條天眼短片長約22秒，攝於今年4月19日，片中見到外傭在客廳推著坐於轉轉電腦凳上的B仔，沒兩步便失平衡連人帶椅一同跌倒，先是自己頭部撞向櫃角，接著人仰凳翻與B仔一仆一碌倒地。外傭在定神後連隨抱起B仔，但見小朋友已疑似嚇至嚎啕大哭。

論盡外傭連環跌B逐張睇＋網民嬲爆回應↓↓↓↓

樓主港媽自爆手下留情理由

樓主港媽在回應欄自爆更多訊息——「下面條片係4月19（日），只係返咗工5日，已經開始教，到上片係今日（9月20日），中途已經跌過5次，每次都有教，佢都係咁」、「佢真係一個冇耐性嘅人，佢以前有湊過6、7歲嘅小朋友，佢自己有個7歲嘅女，但佢真係冇危險意識，無耐性」。

有人好奇「其實跌咗咁多次唔換另外一個工人呢？」、「第一次都已經炒啦，仲忍到多次」、「點解你仲容許到多次？呢個人完全係0安全意識，一次已經炒得。如果BB個頭落地會點？仲要畀機會佢繼續犯錯？」。港媽解釋「第一次因為做咗5日，所以教下先，其實呢一兩個月都搵緊工人，不過一直都唔啱」。

論盡外傭連環跌B逐張睇＋網民嬲爆回應↓↓↓↓

網民狂轟離譜嘲好論盡

少主人在有大人看管下仍發生家居意外，看得網民相當肉緊與肉赤，罵聲連連，炒魷之聲不絕，狂轟「炒得啦」、「有無搞錯」、「好論盡下」、「嘩，好離譜」、「睇得出論盡」、「真心蠢唔係扮」、「哎，一額汗！」、「換啦，湊到個仔都蠢埋」、「姐姐啲行為一啲安全意識都冇」、「個姐姐應該係真係蠢，唔係扮…」。

有人冷靜分析稱「佢嘅危機意識係薄弱，一係教，一係換」、「條片中嘅工人好有問題，完全冇意識去保護小朋友：

•第一，張灰色椅一睇就知搖搖晃晃，點解仲畀小朋友企上去？
•第二，電腦椅係畀大人坐，一定唔穩，點解可以畀佢用來玩？
•第三，佢太後生，睇得出佢完全冇湊B經驗
•第四，佢自己有冇小朋友？同小朋友玩完跌親都冇即時哄返BB，睇得出佢冇咩愛心，Sorry唔知有冇講？」。

論盡外傭連環跌B逐張睇＋網民嬲爆回應↓↓↓↓

至於港媽提到的是否涉及虐兒，網民則回應如下↓↓↓↓

論盡外傭連環跌B逐張睇＋網民嬲爆回應↓↓↓↓

網民提醒：唔係每次都咁好彩冇事

網民好心提醒「唔係每一次都咁好彩跌倒都冇事，小朋友仲咁細睇實啲，可以畀呢啲事連續咁發生都證明呢個姐姐不適合湊小朋友」。

另有網民續問「點解有第一次，仲可以再俾佢企凳玩凳？姐姐係好冇安全意識的，僱主係要教，唔係請完就由姐姐自己嚟」、「真係好論盡，論盡嘅人係冇得改變，只會越嚟越論盡，建議即炒」；「咁僱主都要有責任再提醒佢唔好再畀BB企呢啲凳」、「簡直無帶腦出來工作，湊小朋友最重要有危機感，有常識，有愛心，有耐性，佢連基本危機意識到無畀個小朋友佢湊到凍過水呀！」。