港醫生移英遭「囚犯」上門威脅 做錯一事險引狼入室：「佢哋唔係單獨行事！」｜Juicy叮
發佈時間：10:41 2024-10-30
在本港網絡頗具知名度的劉榮幹醫生（Dr. Rex），近日透露本月初（10月）親歷遭自稱「囚犯」的人上門威脅，險墮入險境，他的女兒更發現，這些人不是單獨行事。
港醫生移英遭「囚犯」上門威脅 做錯「呢件事」險引狼入室↓↓↓↓
劉榮幹醫生是本港資深家庭醫生，他在2022年年中舉家移民英國南部一個小鎮，他近日在其個人Youtube頻道「Dr. Rex 醫學幼稚園」，分享這段被威脅的經歷，「可能大家嚟到英國都要小心啲。」
他說在事發當日晚上6點，有人敲問，他開門見到一個約二十多歲的白人青年，「佢講啲英文，就有啲好濃嘅北方口音。」他說，北方口音的英文，是比較不容易聽。
該年青人孭住個大大的袋，「佢一嚟就遞個證埋嚟......(證上)有張相，寫住prisoner，即係囚犯嚟。」
「佢話你可唔可以幫下我」
「佢話係on probation（服緩刑），唔知係咪叫做釋囚或者嗰樣啦。即係話佢出嚟適應返社會咁啊，出嚟做啲嘢啊。」
該「囚犯」向劉醫生表示，「佢話你唔使驚啊，我唔係話會危險㗎，唔係會咩㗎。」
「跟住就話，你可以花少少時間，你聽下我講下嘢，你可唔可以幫下我啊。」
語氣越來越硬
劉醫生當時沒有即時關門，反而繼續聽該囚犯講下去，「咁樣我唔知咩事啊嘛，我跟住咪由得佢講囉......我估都係賣嘢啫。」
該「囚犯」孭住一個好大的背囊，他這時打開裡面，原來放滿很多諸如洗潔精、番梘、海綿等等平價物品。
他就拿出來，叫劉醫生購買這些物品，「佢叫我幫佢買啲嘢......（佢話）我係釋囚嚟㗎嘛，咁樣你幫下我，我就容易啲融入返社會啦。」
「佢哋係一team人」
劉醫生表示，他即時拒絕購買，「推咗一輪」之後，對方語氣越來越差，「佢就話乜你唔幫我啊，你即係幫下我都唔得咩，開始有少少啲咁嘅口氣。」劉醫生堅持不購買，最後該囚犯「死死氣」走人。
劉醫生表示，他的女兒當時在二樓全程目擊事件，竟發現該「囚犯」並非單獨行事，「原來隔籬仲有其他人，一樣係孭住個袋，一樣做緊同樣嘅嘢，即係係一team人，唔係一個人。」
「Nottingham knockers」
劉醫生感到非常疑惑，於是上網搜尋，原來這些「囚犯」是騙徒，英國稱為「Nottingham knockers」，意即起源至諾定咸的騙徒，他們通常冒充更生人士。
這些騙徒多為年輕人，有專車接送他們到一個地區共同以此方式，以高價銷售廉價物品，他們專吼長者入手，更會以威脅的方式迫人購買。
伺機上門「爆格」
劉醫生指出，更可怕的是騙徒更會藉此機會，試探各住戶家中是否備有大量現金。
「好多時佢會叫你現金嚟買，你用現金買嘅話，即係代表你屋企有啲現金啦......佢就會叫埋佢啲friend......摸清楚你幾時冇人，就嚟爆埋格。」
「呢啲嘢咩社會都有」
劉醫生呼籲若在英國遇到此情況，要小心馬上拒絕，「平心而論，呢啲嘢咩社會都有嘅......好多都都係呢啲呃人嘅嘢，總之去到邊度，大家都係要防人之心不可冇啦。」
不少網民留言為劉醫生送上祝福，並指劉醫生面對陌生仍開門招呼的做法很危險，「劉醫生下次索性吾好開門，怕對方有槍就危險。」「冇話開門、 現在連來歷不明的電話都不接啦！」「劉醫生你太善良啦，我唔認識嘅人，我永遠係唔會開大門㗎。」
同場加映：17移英港人罷工被即炒 爆英國職場疑歧視港人行為↓↓↓↓
同場加映：移英港人點解回流？網民逐樣數 有呢啲：↓↓↓↓
