港女外賣例湯食出手指長蜈蚣 投訴竟獲賠償「咁多」 事主：佢哋驚緊啲咩？｜Juicy叮
發佈時間：16:43 2024-11-26
有港女透過外賣平台叫燒味雙拼飯，飲例湯時竟食出手指長的蜈蚣，她驚訝地說：「真係荒謬到我當時嚇到喊唔出......我覺得自己就嚟癲咗。」
事主表示，她其後報食環署，職員聽到食到蜈蚣，「佢都嚇咗嚇話『吓』，有蜈蚣啊？」事主向外賣平台投訴，先後兩次獲賠償，以下為事件詳情：
港女外賣例湯食出手指長蜈蚣 投訴竟獲賠償「咁多」↓↓↓↓
女事主上周三（20日）在社交平台Threads發帖，她在帖文中表示：「真係一次比一次黐線，我以後唔會再嗌外賣了，by肚痾緊係廁所嘅我。」
她顯示的收據看到，事主透過外賣平台購買了一個切雞紅腸燒味雙拼飯，價格56元，連同運費及平台服務費，全單總共需付66元。
該燒味飯附有例湯，照片看到事主用膠湯匙撈起一條蜈蚣，目測有手指長，而例湯似已喝了一半。
女事主在發帖後，又留言表示：「真係荒謬到我當時嚇到喊唔出而家笑住send俾全世界，我覺得自己就嚟癲咗。」
同場加映：觀塘瘋狂外賣員行長命樓梯發晦氣 最後「咁糟質」外賣惹嘩然↓↓↓↓
她其後向外賣平台投訴，事主截圖顯示外賣平台的回覆，該回覆表示：「非常抱歉給你帶來了不好的體驗，這邊核實到湯價值8 HKD，我將給你操作賠款。」
換言之，外賣平台僅願賠錢8元。事主嘲諷地說：「這邊再次感嘆，Ｘ良好的客戶服務。」
她其後向外賣平台表示，已報食環署，接著外賣平台「即刻賠我$50 ，仲取消埋我訂單，其實你驚緊啲咩 平時又唔見你咁積極」。結果第二次爭取後，終獲賠償50元。
事主表示，她向食環署投訴後，食環署職員致電她，「話收到你嘅投訴個湯入邊有條蟲，跟住我話係蜈蚣啊，佢都嚇咗嚇話『吓』，有蜈蚣啊？」其後食環署職員到女事主家收取有關證物，以調查事件。
同場加映：外賣員倒瀉飲品商場踎地「做手術」 咁樣還原極嘔心：↓↓↓↓
不少網民留言表示「好恐怖」，「好大陰影」，「蜈蚣真係好X過份。」
不少人更分享同類中伏遭遇，他們附上在外賣中吃到的頸鏈、曱甴，有人亦試過食到一條小蜈蚣：「朋友，你果條大d喎。」
有網民建議事主看醫生檢查，「如果我係你我會睇醫生先啦，而家冇事唔代表將來唔會有事。」
有網民又指，中伏不一定關外賣事，「其實唔關外賣事，間餐廳唔得堂食都照中。」
同場加映：旺角外賣員後巷垃圾堆旁二次包裝 大模斯樣懶理鏡頭影實↓↓↓↓
