港人大阪包車中途走佬走數 當地司機出Po公審：有行家都中伏！｜Juicy叮
發佈時間：16:08 2024-12-23
有日本租車公司司機發文公審港人，指有港人在大阪包車後，竟然中途「走佬」，以此方法走數，而他得知當地有其他行家亦曾中伏。
該租車公司機亦為港人，他日前在社交平台Threads發帖，講述當日遇到港人「走佬走數」的細節，如下：
港人大阪包車中途走佬走數 當地司機出Po公審：有行家都中伏！↓↓↓↓
該司機在帖文中表示，當時包車中途，「明明準備去下一個行程，等咗兩個鐘都冇出現。」他見等了2小時，租車港人仍然「失蹤」，於是致電回租車公司請示，「公司話等到6點，完一日Booking，睇佢會唔會返嚟。」
帖文看到該司機自拍在一間餐廳，叫了食物，邊吃邊等租車港人「回來」。他說：「係家餐廳叫咗個drink bar坐左4個鐘，當然個Ｘ街最後冇出現。」最後，司機報警，「最後玩到7點再去警署報警，OT左2個鐘，先收工。」
司機指出，租車走佬港人，「留假電話，假資料，擺明存心呃。」他說：「玩咗5個鐘，失咗聯2日，WhatsApp block左我，WhatsApp無相，假電話。」「開張新sim卡book車，擺到明諗住呃。」
雖然他們已報警，但他說，日本警方「都係heaＸ你」，「警察嚟到連cam 都無睇，廢到呢。」「公司報警唔係諗住拉到人，係想要報案記錄搵旅行社claim返錢。」
同場加映：大阪壽喜燒放題店出Po公審港人 港客紙巾做一舉動辣㷫店主：「為什麼港人做得出這種事來？！」↓↓↓↓
他表示，日本包車公司都是後付，「全個行業係冇人先收錢」，也不會先收訂金，亦沒有客戶的護照等身份證明文件，「係唔可以（copy客戶嘅護照）嘅，因為（日本）私隱條例唔係咁容易可以攞對方身份證文件。」
他強調：「我哋唔會攞到客人嘅任何身份證明，日本對呢啲保障好嚴格。」雖然車上有車cam，但公司亦不會發相追緝，「日本公司係唔會流出客人個樣，同埋個人資料，為咗少少錢隨時你個人同埋公司都收皮。」
該司機其後再出新帖文，表示「原來而家啲香港人咁識玩，有行家都中咗伏」，他附上其他日本包車司機的對話截圖。這名同樣中伏的司機在對話中表示：「我這邊遇到香港人包車去了奈良京都，然後在嵐山跑路了。」
「咁又唔係全部香港人都Ｘ街」
事件在網上引發熱議，有網民批評走佬走數者「一早計劃哂，特登咁樣去呃司機，真係好Ｘ福佳！」
雖然有關司機在帖文中批評：「包車tour途中走佬，香港人世一，大陸人都唔會咁Ｘ街。」但他在回應網民「自己人先會呃自己人」的言論時，他亦指出：「咁日本人詐騙都好出名既。」
他其後亦表示：「咁又唔係全部香港人都Ｘ街，之前香港後生包車，醒咗10000円tips俾我，應該係有錢仔，但全程都好有禮貌。」
同場加映：港女日本遇「欺詐師」失200萬円 呃完錢後竟仍見事主 日警一原因拒立案：↓↓↓↓
